गृहिणी ते Mrs. Radiance 2025: शर्मिला पाटणे यांची झळाळती वाटचाल, स्वतःच्या प्रकाशाचा शोध…
पुणे – स्वप्न पाहणं ही ताकद असते, आणि ती पूर्ण करण्यासाठी गरज असते धैर्याची. हाच प्रेरणादायी प्रवास घडवला आहे .शर्मिला पाटणे यांनी – एका समर्पित गृहिणीपासून Mrs. Radiance 2025 या किताबापर्यंतचा. पुण्यात Diva Pageants यांच्या वतीने आयोजित Mrs. India – Empress of the Nation 2025 स्पर्धेच्या अंतिम फेरीत, हयात हॉटेल पुणे येथे २६ ते २९ जूनदरम्यान झालेल्या कार्यक्रमात, शर्मिला यांनी आपल्या आत्मविश्वासाने आणि तेजस्वी व्यक्तिमत्त्वाने परीक्षकांची मनं जिंकली.
Mrs. Radiance 2025 Sharmila Patne
घर सांभाळताना, मुलं – तपस आणि केया – यांची काळजी घेत, नवऱ्याची साथ लाभलेली असूनही, स्वतःसाठी एक स्वप्न जपणं, ते मनात साठवत ठेवणं आणि योग्य क्षणी त्याचं तेजस्वी रूपात फुलणं – हाच त्यांच्या यशामागचा खरा प्रवास.
“मी फक्त गृहिणी नव्हते. माझ्या अस्तित्वाच्या कुठल्यातरी कोपऱ्यात मी अजूनही ते स्वप्न जपून ठेवलेलं होतं – स्वतःच्या प्रकाशात झळकण्याचं,” शर्मिला सांगतात.
घरातील जबाबदाऱ्या, मुलांचे कॉलेज ,रोजचं जेवण – या सगळ्याला बाजूला न करता त्यांनी त्या स्वप्नासाठी वेळ काढला. चार दिवस घरापासून दूर राहणं हा निर्णय त्यांच्यासाठी सर्वात कठीण होता. पण धैर्य, इच्छाशक्ती आणि कुटुंबाचा ठाम पाठिंबा – यांच्यावर विश्वास ठेवून त्या त्या मंचावर पोहोचल्या.
स्पर्धेच्या Talent Round मध्ये त्यांचा योगासनोंचा सादरीकरण विशेष गाजलं. त्त्या क्षणाबद्दल सांगताना त्या म्हणतात, “योगगुरु हर्षद भोसले यांनी मला आसनांचा सुंदर फ्लो शिकवला. त्यांच्या मार्गदर्शनाने माझं सादरीकरण आत्मविश्वासाने पार पडलं.”
स्पर्धांमध्ये भाग घेण्यासाठी प्रत्येक क्षण टिपणाऱ्या छायाचित्रकार दिवेश कुडवाळकर यांच्या आभारही त्या मनापासून मानतात.
“हा मुकुट फक्त माझा नाही,” त्या हसून सांगतात,
“हा माझ्या मुलांचा – तपस आणि केया – यांचा आहे, जे माझ्या अनुपस्थितीत खंबीर राहिले; माझ्या पती प्रमोद पाटणे यांचा आहे, ज्यांनी मला निःसंशय पाठिंबा दिला. या प्रवासात त्यांची साथ नसती, तर मी इथपर्यंत पोहोचलेच नसते.”
या यशातून त्यांनी एक गोष्ट सिद्ध केली –
गृहिणी म्हणून आपली स्वप्नं मागे ठेवायची गरज नाही, उलट ती स्वप्नं आपल्यालाच प्रेरणा देतात – स्वतःला शोधण्याची!
“हो, स्वप्न पूर्ण होतात. म्हणूनच सांगते – गृहिणी असलो म्हणून काय झालं? आपल्यालाही स्वप्नं बाळगायची आणि ती जिंकायची पूर्ण पात्रता आहे,” त्या आत्मविश्वासाने सांगतात.
आज शर्मिला पाटणे या फक्त Mrs. Radiance 2025 नाहीत, तर त्या प्रत्येक स्त्रीचं प्रतीक आहेत जिने आपल्या स्वप्नांना घराच्या भिंतीआड जपून ठेवलंय.
कारण खरंच – स्वतःचा प्रकाश शोधायला आणि झळकायला कधीच उशीर होत नाही.
Mrs. Radiance 2025 Sharmila Patne
अधिक माहिती साठी आपण शर्मिला पाटणे यांना खालील लिंकवर संपर्क साधू शकता.
https://www.instagram.com/sharmila_patne?igsh=dzVjdXN6N2ppbjRq
अश्या आणखीन यशोगाथा किंवा आपली माहिती प्रसिद्ध करण्यासाठी संपर्क – 7887776668
