Times of Maharashtra Desk , Mumbai Election Update: मुंबई ही महाराष्ट्राची राजधानी. राज्यातील सर्वात श्रीमंत आणि मोठी महानगर पालिका म्हणून मुंबई ओळखली जाते. या महानगरपालिकेवर झेड फडकवण्यासाठी प्रतेक पक्षामद्धे रस्सीखेच सुरू आहे. सध्या मुंबई महानगरपालिका निवडणुकीत सर्व पक्षात गोंधळ उडालेला दिसत आहे. निवडणुकीला आवघे काही दिवस राहिले असताना काल 28 नोव्हेंबर रोजी राज ठाकरे आणि उद्धव ठाकरे एकत्र निवडणूक लढवणार असल्याची माहिती समोर आली. तर आज 29 नोव्हेंबर रोजी बीजेपीची मुंबई निवडणुकीमध्ये काय रणनीती असणार ही माहिती समोर आली आहे.
साधारणपणे निवडणुकीत विविध मुद्यांवर प्रचार करत निवडणूक लढवली जाते. परतू बीजेपी यंदा मुंबईतील मराठी मतदार वॉर्डावर लक्ष केंद्रीत करत असल्याची माहिती समोर आली आहे. मुंबईतील मनपा क्षेत्रातील ८६ वॉर्डावर मराठी मतदारांचा प्रभाव अधिक आहे. अशा वॉर्डवर बीजेपी लक्ष केंद्रित करणार आहे. भाजपा पुढील पंधरा दिवसात बुथ प्रमुख माध्यमातून मतदार थेट संवाद संपर्क करणार आहे. यासाठी मराठी मतदार असणाऱ्या वॉर्डमध्ये विविध सभा आणि संवाद कार्यक्रमांचे नियोजन करण्यात येणार असून या माध्यमातून बीजेपी जनतेशी थेट संवाद साधणार आहे.
मुंबई निवडणुकीच्या अनुषंगाने राज ठाकरे आणि उद्धव ठाकरे एकत्र निवडणूक लढवणार असून त्यांच्या विरोधात बीजेपी आता पाऊल उचलायला सुरवात केली आहे. त्यामुळे मुंबईची निवडणूक आता अधिक चुरशी होणार आहेत.
