मुंबई : भारत सरकारच्या अखत्यारीतील Power Finance Corporation (पीएफसी) ने आर्थिक वर्ष २०२५-२६ मध्ये विक्रमी आर्थिक कामगिरी नोंदवली असून कंपनीचा स्वतंत्र निव्वळ नफा (PAT) १६ टक्क्यांनी वाढून २०,०५१ कोटी रुपयांवर पोहोचला आहे. मागील आर्थिक वर्षात हा नफा १७,३५२ कोटी रुपये होता. यासह पीएफसीने देशातील सर्वाधिक नफा कमावणारी एनबीएफसी म्हणून आपले स्थान कायम राखले आहे.
कंपनीच्या संचालक मंडळाने प्रति समभाग ३.९५ रुपये अंतिम लाभांश जाहीर करण्याचा प्रस्ताव मंजूर केला आहे. त्यामुळे FY’26 साठी एकूण लाभांश १८.५५ रुपये प्रति समभाग इतका झाला आहे.
पीएफसीची एकूण मालमत्ता कर्जपुस्तिका (Loan Book) ३१ मार्च २०२६ रोजी ५.८० लाख कोटी रुपयांवर पोहोचली. आर्थिक वर्षात कंपनीने १.६५ लाख कोटी रुपयांचे वितरण (Disbursement) केले. कंपनीची निव्वळ मालमत्ता (Net Worth) प्रथमच १ लाख कोटी रुपयांचा टप्पा ओलांडून १,०२,५३२ कोटी रुपयांवर पोहोचली असून त्यात वर्षभरात १३ टक्क्यांची वाढ झाली आहे.
कंपनीची भांडवली पर्याप्तता (CRAR) २३.४४ टक्के असून टियर-१ भांडवल २१.९३ टक्के आहे, जे नियामक मर्यादेपेक्षा अधिक असल्याचे कंपनीने म्हटले आहे.
एनपीएमध्ये मोठी घट
टीआरएन एनर्जी आणि सिन्नर थर्मल प्रकल्पांचे यशस्वी निराकरण झाल्यामुळे कंपनीच्या मालमत्तेची गुणवत्ता आणखी मजबूत झाली आहे. FY’26 मध्ये निव्वळ एनपीए (Net NPA) ०.१५ टक्क्यांवर आला असून मागील वर्षी तो ०.३९ टक्के होता. तर सकल एनपीए (Gross NPA) १.०९ टक्क्यांवर घसरला आहे.
समूह स्तरावरही दमदार कामगिरी
पीएफसी समूहाने FY’26 मध्ये एकत्रित निव्वळ नफा १० टक्क्यांनी वाढवत ३३,६२५ कोटी रुपये नोंदवले. FY’25 मध्ये हा नफा ३०,५१४ कोटी रुपये होता. समूहाची एकूण बॅलन्स शीट १२.४० लाख कोटी रुपयांपेक्षा अधिक झाली असून भारतातील सर्वात मोठा एनबीएफसी समूह म्हणून पीएफसीने स्थान कायम राखले आहे.
समूहाची एकत्रित निव्वळ मालमत्ता १.७३ लाख कोटी रुपयांवर पोहोचली असून सकल एनपीए ०.६६ टक्क्यांपर्यंत खाली आला आहे. निव्वळ एनपीए देखील ०.१३ टक्क्यांवर आला आहे.
मुंबई येथे आज झालेल्या पीएफसीच्या Q4 FY’26 निकाल घोषणेसाठी आयोजित पत्रकार परिषदेत कंपनीच्या वरिष्ठ अधिकाऱ्यांची उपस्थिती होती. यामध्ये Rajesh Kumar Agarwal, संचालक (वित्त), Parminder Chopra, अध्यक्ष व व्यवस्थापकीय संचालक, Shashank Misra, संचालक (शासकीय नामनिर्देशित) आणि Sudhir Mehta, स्वतंत्र संचालक सहभागी झाले होते.
व्यवस्थापनाचे मत
पीएफसीच्या अध्यक्षा व व्यवस्थापकीय संचालक Parminder Chopra यांनी सांगितले की, FY’26 हे वर्ष कंपनीसाठी विक्रमी कामगिरी, महत्त्वपूर्ण टप्पे आणि जागतिक आव्हानांनी भरलेले ठरले. पीएफसी आणि आरईसीच्या प्रस्तावित विलीनीकरणामुळे ऊर्जा क्षेत्रासाठी अधिक सक्षम आणि एकसंध संस्था उभी राहील. यामुळे कार्यक्षमतेत वाढ, भांडवली समन्वय आणि क्षेत्रीय नेतृत्व अधिक मजबूत होईल, असा विश्वास त्यांनी व्यक्त केला.
तसेच भागधारकांना सातत्याने चांगला परतावा देणे ही कंपनीची प्राथमिकता असल्याचे सांगत त्यांनी अंतिम लाभांश घोषणेचा उल्लेख केला.
कंपनीच्या संचालक (वित्त) यांनी सांगितले की, FY’26 मध्ये प्रथमच निव्वळ नफा २० हजार कोटी रुपयांच्या पुढे गेला आहे. तसेच सिन्नर थर्मल आणि टीआरएन एनर्जी प्रकरणांच्या यशस्वी निराकरणामुळे कंपनीची कर्जमालमत्ता गुणवत्ता अधिक सक्षम झाली आहे.
