Times of Maharashtra Desk, Pune Election Update : पुण्यामध्ये निवडणुकांची धामधूम सुरू झाली आहे. सर्व पक्षातील कार्यकर्ते आपआपला बालेकिल्ला जिंकणीसाठी रणनीती आखत आहेत. आणि अशातच दुसरीकडे पुण्यातील चाकण मधील राजकारणात ऐतिहासिक क्षण घडला आहे. चाकण शहरात नगरअध्यक्ष पदासाठी शिवसेना उद्धव बाळासाहेब ठाकरे आणि शिवसेना शिंदे गट एकत्र आला आहे. चाकण मध्ये दिवंगत आमदार सुरेश गोरे यांच्या पत्नी निवडणूक लढवणार आहेत. मनीष गोरे यांनी रविवारी 16 नोव्हेंबर रोजी उमेदवारी अर्ज भरला असून त्या शिंदे गटकडून निवडणुकीच्या मैदानात उतरणार आहेत. आर्ज दाखल करताना त्यांच्या सोबत उबाठा आमदार बाबाजी काळे आणि शिंदे गटाचे आमदार शरद सोनावने उपस्थित होते.
दिवंगत आमदार सुरेश गोरे यांना आदरांजली म्हणून पाठिंबा याला आमची युती म्हणता येणार नाही- आमदार बाबाजी काळे
खेड- आळंदी तालुक्याचे दिवंगत आमदार सुरेश गोरे यांच्या निधनानंतर होणारी ही पहिलीच निवडणूक आहे. त्यांच्या पत्नी मनीषा गोरे ह्या त्यांच्या नंतर नगरअध्यक्ष पदासाठी निवडणुकीच्या मैदानात उतरल्या आहेत. त्यामुळे आम्ही राजकारण बाजूला ठेवून दिवंगत आमदार सुरेश गोरे यांना आदरांजली म्हणून मनीषा गोरे यांना बिनविरोध निवडून आणण्याचे आम्ही ठरवले आहे. याला आमची युती संजू नये असे स्पष्ट मत आमदार बाबाजी काळे यांनी व्यक्त केले आहे. २०१४ साली दिवंगत आमदार सुरेश गोरे शिवसेना पक्षाचे आमदार होते. करोना काळात अचानक त्यांचे निधन झाली. मी २०२४ पासून आमदार आहे. मी २०२४ मध्ये निवडणूक लढवली तेव्हा आमच्या व्यासपीठावर मनिषा गोरे यांच्यासह संपूर्ण गोरे कुटुंब उपस्थित होतं. त्यांनी माझा जाहीर प्रचार केला होता. आता मनिषा गोरे या नगराध्यक्षपदासाठी इच्छुक आहेत. त्यामुळे सुरेश गोरे यांना आदरांजली म्हणून आपण मनिषा गोरे यांना पाठिंबा द्यावा, त्यांना बिनविरोध निवडून आणावं असं आम्ही ठरवलं.” असे आमदार बाबाजी काळे यांनी सांगितले.
पाठिंबा असला तरी निवडणूक बिनविरोध नाही..
“आम्ही सर्वांना आवाहन केलं आहे की त्यांनी मनिषा गोरे यांना बिनविरोध निवडून द्यावं. निवडणूक बिनविरोध झाली नाही तरी आमचा त्यांना पाठिंबा असेल. मात्र, चाकण नगर परिषदेत आम्ही नगरसेवक पदासाठी उमेदवार दिले आहेत. आम्ही निवडणुकीत युती केलेली नाही. नगरपरिषदेच्या निवडणुकीत मशाल चिन्हावर आमचे उमेदवार उभे आहेत. असे देखील त्यांनी संगितले. त्यामुळे चाकण शहरात निवडणुकीत कोण बाजी मारणार ही उत्सुकता असणार आहे.
