Times of Maharashtra Desk: दि. २५ डिसेंबर २०२५ रोजी, रिपब्लिकन पार्टी ऑफ इंडिया (RPI) चे सर्वेसर्वा मंत्री रामदास आठवले यांच्या वाढदिवसानिमित्त, सलग पाचव्या वर्षी भव्य रक्तदान शिबिराचे आयोजन करण्यात आले होते. याच दिवशी सायंकाळी गरजू नागरिकांना ब्लँकेट वाटपाचाही सामाजिक उपक्रम राबविण्यात आला. या रक्तदान शिबिरास रक्तदात्यांनी मोठ्या उत्साहात सहभाग नोंदवत एकूण १०२ रक्तपिशव्यांचे संकलन करण्यात आले. सामाजिक बांधिलकी जपत तरुणांनी दिलेल्या प्रतिसादामुळे हा उपक्रम अत्यंत यशस्वी ठरला.
कार्यक्रमास माजी आमदार रमेशप्पा थोरात तसेच राष्ट्रवादी काँग्रेसच्या नवचर्चित नगराध्यक्षा दुर्गा जगदाळे यांनी सदिच्छा भेट दिली. आयोजकांच्या वतीने मान्यवरांचा सत्कार करण्यात आला. यावेळी नव्याने निवडून आलेले नगरसेवक इंद्रजीत पाटील, स्वप्नील शहा, रिपब्लिकन पार्टी ऑफ इंडिया चे भारत सरवदे, राजाभाऊ जोगदंड, अॅड गणेश कांबळे, अॅड. सनी बाल्डोटा आदी उपस्थित होते.
या कार्यक्रमाचे आयोजन रिपब्लिकन पार्टी ऑफ इंडिया चे पश्चिम महाराष्ट्र युवक उपाध्यक्ष विक्की भाऊ सरवदे यांच्या नेतृत्वाखाली करण्यात आले. अॅड. अनिकेत भाऊ मिसाळ, विकास चितारे, अतुल साळुंखे, मयूर माडणे, स्वप्नील गायकवाड, मयूर गायकवाड, अनिकेत लोढे, सम्यक भालेराव, जय गंधम, हिमांशू गायकवाड, सागर गायकवाड, आकाश शिंदे, प्रतीक खरात, दीपक माने, सुचित धावरे, प्रज्वल गायकवाड, सूर्यकांत सोनवणे आदी कार्यकर्त्यांच्या सहकार्याने हा उपक्रम यशस्वीरीत्या पार पडला.
सामाजिक जाणीव व सेवाभाव जपत राबविण्यात आलेल्या या उपक्रमाचे सर्व स्तरातून कौतुक होत आहे.
