मुंबई पोलिसांनी दिलेल्या माहितीनुसार, अपघातग्रस्त बीएमडब्ल्यू कारचे चालक विकास सोनवणे आहेत. ते कोल्हापूर येथील अन्न निरीक्षक असून अपघातात गंभीर जखमी झाले आहेत. अपघातानंतर त्यांना तातडीने रुग्णालयात दाखल करण्यात आले असून सध्या त्यांची प्रकृती स्थिर असल्याचे सांगण्यात येत आहे.
सीसीटीव्ही फुटेजमध्ये दिसतं की, गाडीने अचानक नियंत्रण गमावले आणि ती थेट दुभाजकावर आदळली. त्यानंतर कार दोन वेळा हवेत पलटी झाली. हा भयावह प्रकार पाहून अनेकांनी श्वास रोखून धरला. या अपघातामुळे काही काळ कोस्टल रोडवरील वाहतूक ठप्प झाली होती. मात्र पोलिसांनी त्वरित घटनास्थळी धाव घेतली आणि परिस्थिती नियंत्रणात आणली. अपघातग्रस्त वाहन हटवल्यानंतर वाहतूक पूर्ववत करण्यात आली.
Advertisement by Unique Computers
👇👇Click the Image below👇👇
Advertisement by Unique Computers
👆👆Click the Image below 👆👆
या अपघातामुळे कोस्टल रोडवरील सुरक्षा व्यवस्थेवर प्रश्नचिन्ह निर्माण झाले आहे. गेल्या काही महिन्यांपासून या मार्गावर अपघातांचे प्रमाण वाढले आहे. नागरिकांकडून या मार्गावर योग्य ती सुरक्षा उपाययोजना करण्याची जोरदार मागणी होत आहे. प्रशासनाने या प्रकरणाची गंभीर दखल घेऊन आवश्यक त्या सुधारणा तातडीने कराव्यात, अशी अपेक्षा व्यक्त होत आहे
