Times Of Maharashtra Desk : राष्ट्रवादी काँग्रेसचे सर्वेसर्वा शरद पवार यांना आज खोकल्याचा त्रास जाणवल्यामुळे पुण्यातील रुबी क्लिनिकमध्ये तपासणीसाठी नेण्यात आले आहे. गेल्या काही दिवसांपासून दिवंगत नेते अजित पवार यांच्या निधनानंतर बारामती, मुंबई आणि पुण्यातील घरी दौरे करत असलेल्या शरद पवारांच्या भेटीसाठी राज्यभरातून राष्ट्रवादी काँग्रेसचे पदाधिकारी आणि कार्यकर्ते त्यांना सांत्वन करण्यासाठी येत आहेत.
रुबी हॉल क्लिनिकचे प्रमुख डॉक्टर परवेझ ग्रँट यांनी दिलेल्या माहितीनुसार, शरद पवार यांची तपासणी करून त्यांना उपचारासाठी घरी पाठवायचे की रुग्णालयात ऍडमिट करायचे, हा पुढील निर्णय घेतला जाईल. शरद पवारांच्या कन्या आणि खासदार सुप्रिया सुळे यांच्यासमवेत त्यांची तातडीने तपासणी सुरू केली जाईल.
डॉक्टरांनी सांगितले की, आज सकाळपासून शरद पवार यांना खोकल्याचा त्रास होत आहे. पुढील काही वेळात आम्ही त्यांची तपासणी करून आवश्यक ती उपचारपद्धती ठरवू. गरज भासल्यास त्यांना रुग्णालयात ऍडमिट केले जाईल.
राज्यभरातील कार्यकर्ते आणि राष्ट्रवादी पदाधिकारी शरद पवारांच्या आरोग्याबाबत चिंतेत आहेत, आणि त्यांच्या प्रकृतीविषयी ताज्या अपडेटसाठी सर्वांचे लक्ष रुबी क्लिनिककडे लागले आहे.
