गेवराई (प्रतिनिधी विष्णु गायकवाड) : गेवराई येथील शारदा मल्टी स्पेशालिटी हॉस्पिटल अँड रिसर्च इन्स्टिट्यूटच्या वतीने तलवाडा येथील माध्यमिक विद्यालयात आयोजित करण्यात आलेल्या मोफत आरोग्य शिबिरास नागरिकांचा उत्स्फूर्त प्रतिसाद मिळाला. जयभवानी शिक्षण संस्थेचे सचिव तथा शिवशारदा मल्टीस्टेटचे संस्थापक जयसिंग पंडित यांच्या मार्गदर्शनाखाली आयोजित या शिबिराचा तलवाडा व पंचक्रोशीतील शेकडो रुग्णांनी लाभ घेतला.
शिबिराचे उद्घाटन जयभवानी सहकारी साखर कारखान्याचे संचालक डॉ. आसाराम मराठे, माजी सरपंच विष्णू हात्ते आणि अक्रम सौदागर यांच्या हस्ते करण्यात आले. यावेळी महेश मरकड, रवी मरकड, नजीर कुरेशी, पत्रकार अल्ताफ कुरेशी, राजाभाऊ डावकर, पत्रकार बापू गाडेकर, माऊली डोंगरे, अंकुश यादव, शारदा हॉस्पिटलचे प्रमुख डॉ. अजयसिंह पंडित, प्राचार्य अरुण हाटकर आदी मान्यवर उपस्थित होते.
या शिबिरामध्ये स्त्रीरोग, बालरोग, दंतरोग तसेच विविध आजारांवर तज्ञ डॉक्टरांकडून तपासणी व उपचार करण्यात आले. रुग्णांची मोफत रक्त तपासणी करून आवश्यक औषधोपचारही मोफत देण्यात आले. शिबिरात मेडिकल सुपरिटेंडेंट डॉ. अजयसिंह पंडित, डॉ. धनश्री पंडित, डॉ. निखिल गव्हाणे, डॉ. प्राजक्ता नरोटे, डॉ. विवेक काळे, डॉ. अंकिता चाळक, डॉ. किरण जाधव, डॉ. मनोज कुमार आदी डॉक्टरांनी सेवा दिली.
शिबिर यशस्वी करण्यासाठी शिबिर समन्वयक भोसले तात्यासाहेब, प्रा. बबन काकडे, नर्सिंग स्टाफ माळवे मॅडम, फार्मसीचे आनंद भगत, राठोड सर, सौरभ पोटे, अमित बागल, श्रद्धा वादे, पुनम पवार, शीतल साळवे, सागर प्रधान तसेच विद्यालयाचे प्राचार्य हाटकर, पर्यवेक्षक लाड सर, उच्च माध्यमिक विभाग प्रमुख प्रा. पाठक, प्राथमिक विभागाच्या मुख्याध्यापिका श्रीमती बोबडे आदींनी परिश्रम घेतले.
कार्यक्रमाचे सूत्रसंचालन जाधव एल. जे. यांनी केले. प्रास्ताविक मुख्याध्यापक हाटकर यांनी केले, तर प्रा. पैठणे यांनी आभार प्रदर्शन करून कार्यक्रमाची सांगता केली. यावेळी तलवाडा व परिसरातील नागरिक मोठ्या संख्येने उपस्थित होते.
