पुणे (टाईम्स ऑफ महाराष्ट्र नॅशनल न्युज चॅनेल):- इंडियन एज्युकेशन सोसायटीतर्फे शिक्षक दिन २०२५ चे औचित्य साधून मराठी व इंग्लिश माध्यमातील शिक्षकांचा सन्मान करण्यात आला. मराठी विभागातून श्री खांबे सर तर इंग्लिश विभागातून आशा म्हस्के यांना आदर्श शिक्षक म्हणून आमदार योगेश टिळेकर यांच्या हस्ते गौरविण्यात आले.
या प्रसंगी बोलताना आमदार टिळेकर यांनी शिक्षकांशी असलेले आपले जिव्हाळ्याचे नाते अधोरेखित केले. शिक्षक समाजाचे पाया असून त्यांच्या समस्या सोडविण्यासाठी तसेच विद्यार्थ्यांच्या सर्वांगीण विकासासाठी ते नेहमी प्रयत्नशील राहतील, असे आश्वासन त्यांनी दिले. शाळेत विद्यार्थ्यांच्या क्रीडा कौशल्य वृद्धीसाठी मॅट देण्याचे आश्वासनही त्यांनी दिले.
या कार्यक्रमास रमेश गायकवाड, सचिव शारदा गायकवाड, खजिनदार नाना मोहिते, शिक्षणतज्ञ डॉ. मधुकर खेतमाळस, शिवव्याख्याते बाळासाहेब पासलकर, समाजसेवक काकासाहेब शिंदे, तसेच सर्व मुख्याध्यापक, शिक्षक व कर्मचारी मोठ्या संख्येने उपस्थित होते.
शिवव्याख्याते प्रा. विक्रम कदम यांनी व्याख्यानातून शिक्षकांची जबाबदारी, शिवकाळातील मानवतावाद व विज्ञानवादाचे महत्त्व अधोरेखित केले. प्रास्ताविक सौ फाटे यांनी केले तर सूत्रसंचालन सौ तावडे यांनी केले.
