Times of Maharashtra Desk: महाराष्ट्रात गुटखा खाणाऱ्या व्यक्तींचे प्रमाण वाढले आहे. यामुळे अनेक जण कर्करोगासारख्या आजारांचे बळी होतात. त्यामुळे राज्य सरकार गुटख्याची उपलब्धता मर्यादित करण्यासाठी महाराष्ट्र संघटित गुन्हेगारी नियंत्रण कायदा (MCOCA) लागू करण्याचा विचार करत आहे अशी माहिती महाराष्ट्राचे अन्न आणि औषध प्रशासन (FDA) मंत्री नरहरी झिरवाल यांनी दिली. फडीए मंत्र्यांनी मंगळवारी सांगितले की, गुटख्याच्या उत्पादन आणि विक्रीवर सध्या बंदी असूनही, तंबाखूयुक्त उत्पादनाची बेकायदेशीर खेप बाहेरून राज्यात येत आहे, ज्यामुळे विद्यार्थी आणि तरुणांचे नुकसान होत आहे.
सरकार बेकायदेशीर व्यापारामागील सूत्रधारांवर मकोका वापरण्याच्या विचारात
महाराष्ट्रात बेकायदेशीर गुटखा व्यापार वाढला आहे. बऱ्याच भागात अनेक तरुण गुटखा खातात. महाराष्ट्रात गुटखा आणि पान मसाल्याच्या वाहतूक आणि विक्रीमध्ये अतिरिक्त वाढ झाली आहे. यावर आळा घालण्यासाठी राज्य सरकार गुटखा कंपन्यांचे मालक, प्रमुख संचालक आणि सूत्रधार आणि या बेकायदेशीर व्यापारामागील सूत्रधारांवर मकोका वापरण्याचा विचार करत आहे. याचे निवेदन मंगळवारी मंत्रिमंडळात जारी करण्यात आले आहे.
मंगळवारी जारी केलेल्या या निवेदनानुसार, बेकायदेशीर गुटखा व्यापारासाठी जबाबदार असलेल्यांविरुद्ध मकोका अंतर्गत गुन्हे दाखल करता येतील का, याबाबत मार्गदर्शन मागणारा प्रस्ताव कायदा आणि न्याय विभागाला पाठवण्यात येणार आहे. मंत्रालयात झालेल्या बैठकीत झिरवाल यांनी सांगितले की, राज्य सरकार गुटखा बंदीची अधिक कडक अंमलबजावणी करेल आणि विविध विभागांमार्फत जिल्हा पातळीवर या कर्करोगजन्य उत्पादनाविरुद्ध जागरूकता मोहिमा राबविण्याचे निर्देश अधिकाऱ्यांना दिले जातील.
