प्रभाग क्र. १९ ‘ड’ मध्ये प्रचाराचा धुरळा; महिला उमेदवाराच्या पाठीशी खंबीरपणे उभे राहिले नागरिक.
Times of Maharashtra Desk : पुणे महानगरपालिकेच्या निवडणुकीचे बिगुल वाजले असून, कोंढवा येथील प्रभाग क्रमांक १९ ‘ड’ मध्ये काँग्रेस पक्षाच्या अधिकृत उमेदवार तहेझीब सिद्दीकी यांनी प्रचारात मोठी आघाडी घेतली आहे. एक सुशिक्षित, संवेदनशील आणि कार्यक्षम ‘महिला उमेदवार’ म्हणून तहेझीब सिद्दीकी यांच्या नावाची सध्या जोरदार चर्चा असून, त्यांना मतदारांचा उदंड प्रतिसाद मिळत आहे.
निवडणूक रिंगणात अनेक उमेदवार असले तरी, सिद्दीकी यांच्या प्रचारफेऱ्यांमध्ये दिसणारा नागरिकांचा उत्स्फूर्त सहभाग लक्ष वेधून घेणारा आहे. “केवळ आश्वासन नको, तर ठोस काम करणारी उमेदवार हवी,” या भूमिकेतून नागरिक सिद्दीकी यांचे स्वागत करत आहेत.
महिला शक्तीचा एल्गार राजकारणात महिलांचा सहभाग केवळ नावापुरता नसून, प्रत्यक्ष कामातही त्या कशा आघाडीवर असू शकतात, याचे उत्तम उदाहरण तहेझीब सिद्दीकी यांनी घालून दिले आहे. एक महिला उमेदवार असल्याने प्रभागातील महिला भगिनींशी त्यांचा थेट संवाद होत आहे. घरोघरी प्रचारासाठी जाताना महिलांकडून त्यांचे औक्षण केले जात असून, आमच्या प्रश्नांची जाण असणारी हक्काची ताई, अशा भावना व्यक्त केल्या जात आहेत.
कोंढव्याचा विकास आणि महिला सक्षमीकरण हेच माझे ध्येय आहे. मला मिळणारे प्रेम आणि आशीर्वाद हेच माझे भांडवल आहे. प्रभागातील प्रत्येक नागरिक हा माझ्या कुटुंबाचा भाग असून, त्यांच्या विश्वासाला मी तडा जाऊ देणार नाही. – तहेझीब सिद्दीकी
कामाच्या जोरावर मतदारांची पसंती तहेझीब सिद्दीकी यांच्या आजवरच्या सामाजिक कामाची पोचपावती त्यांना प्रचारादरम्यान मिळत आहे. नागरिकांच्या समस्या सोडवण्यासाठी त्यांनी घेतलेली मेहनत आणि भविष्यातील विकासाचा दृष्टिकोन यामुळे त्या विरोधकांपेक्षा उजव्या ठरत आहेत. प्रभागातील रस्ते, पाणी आणि स्वच्छता यांसारख्या प्रश्नांवर त्यांनी मांडलेली भूमिका मतदारांना भावली आहे.
ज्येष्ठांचे आशीर्वाद आणि तरुणांचा उत्साह प्रचार रॅली दरम्यान ज्येष्ठ नागरिक स्वतःहून पुढे येऊन सिद्दीकी यांना आशीर्वाद देत आहेत. तर दुसरीकडे, तरुण कार्यकर्त्यांची मोठी फळी त्यांच्यासोबत निष्ठेने काम करताना दिसत आहे. मतदारांकडून मिळणारे प्रेम, आपुलकी आणि विश्वास यामुळे ही निवडणूक केवळ एका उमेदवाराची नसून, ती सर्वसामान्य जनतेची निवडणूक झाल्याचे चित्र प्रभाग १९ ‘ड’ मध्ये निर्माण झाले आहे.
