Times Of Maharashtra Desk:भारत आणि श्रीलंकेत सुरू असलेल्या आयसीसी पुरुष टी-२० विश्वचषकस्पर्धेत आतापर्यंत २७ लीग सामने पूर्ण झाले आहेत. २७ वा सामना भारत आणि पाकिस्तान यांच्यात रंगला होता. या टप्प्यापर्यंत तीन संघ स्पर्धेबाहेर गेले असून दोन संघांनी सुपर ८ मध्ये अधिकृत प्रवेश मिळवला आहे.
भारताने पाकिस्तानवर दणदणीत विजय मिळवत सुपर ८ चे तिकीट निश्चित केले. त्याचबरोबर दोन वेळा विजेतेपद पटकावलेल्या वेस्ट इंडिजनेही सुपर 8 मध्ये स्थान मिळवले आहे. दुसरीकडे ओमान, नेपाळ आणि नामिबिया हे तीन संघ स्पर्धेतून बाहेर पडले आहेत. ग्रुप डी मधून अद्याप कोणताही संघ अधिकृतरीत्या पात्र किंवा अपात्र ठरलेला नाही.
ग्रुप A गुणतालिका
ग्रुप A मध्ये भारताने पहिले तीन सामने जिंकत ६ गुणांसह अव्वल स्थान पटकावले आणि सुपर ८ मध्ये प्रवेश निश्चित केला. दुसऱ्या स्थानावर यूएसए आहे (४ पैकी २ विजय). तिसऱ्या क्रमांकावर पाकिस्तान आहे (३ पैकी २ विजय). नेदरलँड्सने ३ पैकी १ सामना जिंकला असून ते चौथ्या स्थानावर आहेत. नामिबियाने पहिले तीनही सामने गमावले असून ते स्पर्धेतून बाद झाले आहेत.
ग्रुप B गुणतालिका
ग्रुप B मध्ये श्रीलंका दोन विजयांसह पहिल्या क्रमांकावर आहे. झिम्बाब्वेनेही पहिले दोन सामने जिंकून दुसरे स्थान मिळवले आहे. ऑस्ट्रेलिया २ पैकी १ विजयासह तिसऱ्या स्थानावर आहे. आयर्लंड 3 पैकी 1 विजयासह चौथ्या स्थानी आहे. ओमानने तीनही सामने गमावले असून ते स्पर्धेतून बाहेर पडले आहेत.
ग्रुप C गुणतालिका
ग्रुप C मध्ये वेस्ट इंडिजने पहिले तीन सामने जिंकून अव्वल स्थान मिळवले आणि सुपर ८ मध्ये प्रवेश निश्चित केला. इंग्लंड ३ पैकी २ विजयांसह दुसऱ्या क्रमांकावर आहे. स्कॉटलंड ३ पैकी १ विजयासह तिसऱ्या स्थानी आहे. इटली २ पैकी १ विजयासह चौथ्या क्रमांकावर आहे. नेपाळने तीनही सामने गमावले असून त्यांचा प्रवास संपला आहे.
ग्रुप D गुणतालिका
ग्रुप D मध्ये दक्षिण आफ्रिका ३ विजय आणि ६ गुणांसह अव्वल स्थानावर आहे. मात्र, अजून पात्रता अधिकृतरीत्या निश्चित झालेली नाही, कारण इतर दोन संघही ६ गुणांपर्यंत पोहोचू शकतात. तरी नेट रनरेटच्या जोरावर दक्षिण आफ्रिकेचे सुपर ८ मध्ये स्थान जवळपास निश्चित मानले जात आहे. न्यूझीलंड ३ पैकी २ विजयांसह दुसऱ्या स्थानावर आहे. यूएईने २ पैकी १ सामना जिंकला आहे. अफगाणिस्तान आणि कॅनडा यांनी प्रत्येकी दोन सामने गमावले असून ते अनुक्रमे चौथ्या आणि पाचव्या क्रमांकावर आहेत.
