धुळे (प्रतिनिधी तुषार शेटे): एपीआय निलेश मोरे यांच्या तपासकौशल्याने दोन गुन्हे उघड
शिंदखेडा तालुक्यातील डाबली, मेलाणे व नरडाणा परिसरात घरफोडी व मोबाईल चोरी करणाऱ्या टोळीचा पर्दाफाश करण्यात नरडाणा पोलिसांना यश आले आहे. या कारवाईत तीन आरोपी व एका विधी संघर्षग्रस्त बालकाला ताब्यात घेण्यात आले असून त्यांच्याकडून २ लाख ७६ हजार रुपयांचा मुद्देमाल जप्त करण्यात आला आहे. डाबली येथील एका घरफोडीप्रकरणी नरडाणा पोलिस ठाण्यात गुन्हा दाखल झाल्यानंतर तपास सुरू करण्यात आला होता. गोपनीय माहितीच्या आधारे गोरख सुरेश पवार (वय १९), गोकुळ छगन भिल (वय २०), बादल राजू सोनवणे (वय १८, सर्व रा. नरडाणा) तसेच एका विधी संघर्षग्रस्त बालकाला ताब्यात घेण्यात आले.
चौकशीत त्यांनी डाबली, मेलाणे व नरडाणा येथे घरफोड्या तसेच सहा मोबाईल चोरी केल्याची कबुली दिली. आरोपींकडून १० हजार रुपये रोख, सोन्याचे दागिने, बेन्टेक्स पोत, विविध कंपन्यांचे सहा मोबाईल फोन व एक मोटारसायकल असा एकूण २ लाख ७६ हजार रुपयांचा मुद्देमाल जप्त करण्यात आला आहे. या कारवाईमुळे नरडाणा पोलिस ठाण्यातील दोन घरफोडीचे गुन्हे उघडकीस आले आहेत. ही कामगिरी पोलीस अधीक्षक विशाल आनंद, अपर पोलीस अधीक्षक अजय देवरे व उपविभागीय पोलीस अधिकारी विश्वजित जाधव यांच्या मार्गदर्शनाखाली नरडाणा पोलिस ठाण्याचे एपीआय निलेश मोरे, पोउनि. रविंद्र महाले, विजय पाटील, रविंद्र शिंदे तसेच पोलिस अंमलदार ललित पाटील, राकेश शिरसाठ, गणेश पाटील, नारायण गवळी, भरत चव्हाण, योगेश गिते, अनारसिंग पवार, धनेश कुंकारी, रविंद्र मोराणीस, विक्रांत देसले, चंद्रकांत साळुंखे, विजय माळी, विनोद कोळी, प्रशांत पाटील, सचिन बागुल, अनिल सोनवणे, भरत भगरे, सुनिल पगारे, सुरजकुमार सावळे व होमगार्ड जितेंद्र रणदिवे यांच्या पथकाने केली.
