दौंड (प्रतिनिधी मयूर साळवे) – लिंगाळी गावाच्या परिसरात एका मोराला जखमी अवस्थेत आढळून आल्यानंतर, ग्रामस्थांनी तात्काळ संवेदनशीलता दाखवत मोराला वाचवले आणि वन विभागाच्या ताब्यात सुरक्षित सुपूर्त केला.
हा स्तुत्य उपक्रम लिंगाळी गावचे सरपंच सुनील जगदाळे यांच्या मार्गदर्शनाखाली करण्यात आला. त्यांच्या सोबत रोहित जगदाळे, निखिल जगदाळे, आदित्य जगदाळे, रवी जगदाळे, कुमार जगदाळे, अक्षय जगदाळे, रूपेश पुजारी या युवकांनी मिळून हा उपक्रम पार पाडला.
वन विभागाचे शिपाई अशोक जाधव यांच्या उपस्थितीत जखमी मोर वन विभागाच्या ताब्यात देण्यात आला. सदर मोरावर उपचार करून नंतर निसर्गात परत सोडण्याची माहिती वन विभागाने दिली आहे.
हा उपक्रम पर्यावरणप्रेमी आणि पशुसंवर्धनाच्या दृष्टीने एक आदर्श ठरला असून स्थानिक ग्रामस्थांकडून या कार्याचे कौतुक होत आहे.
