पुणे (संपादक मुज्जम्मील शेख):- पुणे शहर पोलीस आयुक्तालयाच्या वतीने आयोजित एका विशेष कार्यक्रमात सहाय्यक पोलीस आयुक्त धन्यकुमार गोडसे यांना त्यांच्या उल्लेखनीय कामगिरीबद्दल गौरविण्यात आले. हा सन्मान महाराष्ट्र राज्याचे मुख्यमंत्री देवेंद्र फडणवीस यांच्या हस्ते पुणे पोलीस मुख्यालय येथे प्रदान करण्यात आला.
गोडसे यांनी वानवडी विभागात गुन्हेगारी रोखण्यासाठी आणि कायदा-सुव्यवस्था राखण्यासाठी केलेल्या कुशल नियोजन व धाडसी कारवाईमुळे त्यांचे विशेष कौतुक करण्यात आले. त्यांच्या नेतृत्वाखालील पोलिसांनी अनेक गंभीर गुन्ह्यांवर यशस्वी नियंत्रण मिळवले असून नागरिकांच्या सुरक्षेसाठी ते नेहमी तत्पर राहिले आहेत.
या कार्यक्रमात पुणे पोलीस आयुक्तालयाचे वरिष्ठ अधिकारी, पोलीस कर्मचारी व मान्यवर उपस्थित होते. मुख्यमंत्री फडणवीस यांनी गोडसे यांच्या कार्यक्षमतेचे कौतुक करत, त्यांच्या पुढील वाटचालीस शुभेच्छा दिल्या.
हा सन्मान पोलीस दलातील इतर अधिकाऱ्यांसाठीही प्रेरणादायी ठरणार आहे, असे मत यावेळी व्यक्त करण्यात आले.
