दौंड-(प्रतीनिधी-संघराज गायकवाड,मयुर साळवे)
दौंड शहरातील प्रभाग क्रमांक 10 मधील भोईटे नगर परिसरात नागरिकांना भयंकर त्रास सहन करावा लागत आहे. येथील ड्रेनेज लाईन तुंबल्यामुळे सांडपाणी थेट घरांमध्ये शिरले असून परिसरात दुर्गंधी आणि घाण साचली आहे. नागरिकांच्या आरोग्याला मोठा धोका निर्माण झाला असून लहान मुलं, वृद्ध व्यक्तींना विशेषतः याचा त्रास होत आहे.
या परिसरात वारंवार अशी स्थिती उद्भवत असूनही दौंड नगरपालिकेकडून कोणतीही ठोस उपाययोजना केली जात नाही, हे अत्यंत दुर्दैवी आहे. नागरिकांनी वेळोवेळी तक्रारी करूनही प्रशासनाचे दुर्लक्ष सुरूच आहे. या भोंगळ कारभारामुळे स्थानिकांमध्ये संतापाचे वातावरण आहे. प्रशासनाने तात्काळ लक्ष घालून सफाई व ड्रेनेज दुरुस्तीसाठी पावले उचलावीत, अशी मागणी नागरिकांकडून होत आहे.
