Times of Maharastra Desk, Baramati : जिल्ह्यात कर्करोगाची संख्या वाढत असून पुढील काळात ती अजून वाढण्याची भीती आहे. आणि याच अनुषंगाने बारामतीत कॅन्सर रुग्णालय बांधणीसाठी राज्य शासनाने मंजूरी दिली असून कामासाठी आदेश सुद्धा जारी करण्यात आले आहेत. या निर्णयामुळे बारामतीतील रुग्णांना मोठा दिलासा मिळाला आहे. या प्रकल्पासाठी उपमुख्यमंत्री अजित पवार यांनी खूप प्रयत्न केले होते, त्यामुळेच त्यांच्या मार्गदर्शना खाली बारामतीत हा प्रकल्प उभारला जाणार आहे. बारामती एमआयडीसीतील एसटी वर्कशॉपचे स्थलांतर करून त्याजागी कॅन्सर रुग्णालयाची उभारणी केली जाणार आहे. येत्या सहा महिन्यात एसटी वर्कशॉप चे स्थलांतर केले जाणार असून त्या जागी रुग्णालयाचे काम सुरू होणार आहे.
पुण्यश्लोक आहिल्यादेवी होळकर शासकीय वैद्यकीय महाविद्यालयालगत नर्सिंग महाविद्यालय व कॅन्सर हॉस्पिटल उभे राहणार असल्याने हा परिसर आता मेडिकल हब म्हणून ओळखला जाणार आहे. बारामती सोबतच अंबाजोगाई (बीड), यवतमाळ, मुंबई (कामा व आल्ब्लेस रुग्णालय), सातारा, जळगाव व रत्नागिरी येथील शासकीय वैद्यकीय महाविद्यालयांशी संल्लग्रित रुग्णालये. ठाणे (जिल्हा रुग्णालय संलग्रित) व शिर्डी संस्थानचे रुग्णालय अशी ९ ठिकाणी तृतीय स्तर स्थापन करण्यास मान्यता देण्यात आली आहे.
राज्य मंडळाने घेतलेल्या निर्णयानुसार मुंबई (जे- जे रुग्णालय) छत्रपती सांभाजीनगर, चंद्रपूर, पुणे, नागपूर, कोल्हापूर,आणि नांदेड येथील ७ शासहकीय वैद्यकीय महाविद्यालये तर नाशिक, आमरवाटी येथील सार्वजनिक आरोग्य विभाग येथे कर्क रोगासंबंधित पदव्युत्तर व अतिविशेषोपचार शिक्षण (MD/MS, DM/MCH, DNB, Fellowship) सुरू करण्यास मान्यता देण्यात आली आहे. या साठी लागणारे मनुष्यबळ महाकेयर फाउंडेशन मार्फत उपलब्ध करण्यास परवानगी दिली आहे. यासाथी एकूण १४७ कोटी ७० लाख रुपयांचा फंड मंजूर झाला असून आवश्यकता असल्यास जपान इंटरनॅशनल को ऑपरेशन एजन्सी / आशियाई विकास बँकेमार्फत राज्य शासनास प्राप्त होणाऱ्या कर्जातून सदर प्रकल्पासाठी निधी उपलब्ध करून घेण्यास देखील परवानगी दिली आहे.
