पुणे शहरातील शीख समाज कंगना विरोधात गुन्हा दाखल करणार?

 पुणे : बॉलीवूड अभिनेत्री कंगना राणावत (Kangana Ranaut) नेहमी आपल्या वादग्रस्त वक्तव्यामुळे चर्चेत असते. काही दिवसांपूर्वीच तिने 1947 मध्ये मिळालेले स्वातंत्र्य ही भीक मिळाली आहे, व खलिस्तानी आतंकवादी म्हणून शीख समाजाला संबोधले आहे. त्यामुळे तिच्यावर संपूर्ण देशभरातून टीका करण्यात आली होती. याचदरम्यान नरेंद्र मोदींनी शेतकरी विरोधातील 3 कृषी कायदे रद्द करण्याची घोषणा केली. यानंतर कंगनाने रद्द करण्यात आलेल्या कृषी कायद्यावरुन वादग्रस्त वक्तव्य करत पुन्हा एकदा नवा वाद ओढवून घेतला आहे. तिच्या या वक्तव्यावरून मुंबई शीख गुरुद्वारा व्यवस्थापन समितीद्वारे कंगनाविरुद्ध तक्रार दाखल करण्यात आली आहे. इन्स्टाग्रामवर शीख समुदायाविरोधात आक्षेपार्ह टिप्पणी केल्याप्रकरणी हि तक्रार दाखल करण्यात आली.