Times Of Maharashtra Desk पुणे : शहरातील एक धक्कादायक घटना समोर आली आहे. गोल्डन ज्युबिली संस्थेचे चेअरमन शाहिद इनामदार यांचे तीव्र हृदयविकाराच्या झटक्याने (हार्ट अटॅक) जागीच निधन झाले आहे. या घटनेमुळे परिसरात मोठी खळबळ उडाली आहे.
मिळालेल्या प्राथमिक माहितीनुसार, शाहिद इनामदार यांचा त्यांच्या भावांच्या मुलांबरोबर (पुतण्यांबरोबर) काही दिवसांपासून वाद सुरू होता. आज पुन्हा एकदा हा वाद तीव्र झाला. वाद सुरू असतानाच इनामदार यांना अचानक तीव्र हृदयविकाराचा झटका आला.
घटनेदरम्यान उपस्थित असलेल्या नातेवाईकांनी तात्काळ मदत करण्याचा प्रयत्न केला, मात्र त्यांचा जागीच मृत्यू झाल्याचे समोर आले आहे. ही माहिती त्यांच्या मेवणी शाहेदा नासीर खान यांनी दिली.
स्थानिक सूत्रांच्या माहितीनुसार, गेल्या काही दिवसांपासून कुटुंबात तणावाचे वातावरण होते आणि याच पार्श्वभूमीवर आजचा वाद चिघळल्याचे सांगितले जात आहे.
दरम्यान, या घटनेनंतर परिसरात शोककळा पसरली आहे.
या घटनेमुळे कुटुंबीय व स्थानिक नागरिकांमध्ये हळहळ व्यक्त केली जात आहे.
