पुणे, १४ ऑक्टोबर २०२५: कंपास ग्रुप पुणे आणि महाराष्ट्र राज्य कामगार विमा योजना,बिबवेवाडी कार्यालय, पुणे व अंतर्गत सेवा दवाखाने यांच्यामार्फत कंपास ग्रुप च्या बी एन वाय मेलन खराडी या कार्यस्थळावर वर विमा कामगारांसाठी ESI जागरूकता, नोंदणी करीता आरोग्य शिबिर शनिवार दिनांक १४ ऑक्टोबर २०२५ रोजी आयोजित करण्यात आले होते.
या शिबिरामध्ये कंपास ग्रुप यांच्या अंतर्गत असणाऱ्या सर्व विमा कामगारांची नोंदणी करून सर्व विमा कामगारांची वैद्यकीय अधिकारी मार्फत आरोग्य तपासणी, रक्त तपासणी, मोफत औषधोपचार देण्यात आले. तसेच शिबिरामध्ये ESI मध्ये मिळणारे विविध प्रकारचे फायदे, प्राथमिक उपचार, ESI रुग्णालये, सेकंडरी मेडिकल केअर व कॅशलेस टाय अप केलेली रुग्णालये याबाबत सविस्तर माहिती सांगण्यात आली.
सर्वांनी जवळच्या सेवा दवाखान्यात नोंदणी करून पुढील उपचार, फायदे घेण्याकरिता जवळच्या सेवा दवाखाना येथे भेट देण्याचे आवाहन राज्य कामगार विमा योजना पुणे यांचे वैद्यकीय प्रशासन अधिकारी डॉ बाळकृष्ण रंगदळ यांनी केले.
सदर शिबिरासाठी कंपास ग्रुप तर्फे मॅनेजर श्री गुलाब हिरे, नागेश गाडे व सुनीता करोडत मॅडम यांनी पुढाकार घेऊन सर्व शिबिरे यशस्वी होण्याकरिता छान पद्धतीने नियोजन केले.वैद्यकीय प्रशासन अधिकारी कार्यालयातील डॉ. बाळकृष्ण रंगदळ, डॉ. तनुजा गवार्ले, श्री बालाजी शिंदे, श्री संदीप मोटे यांनी मोलाचे सहकार्य केले.
