गंगाखेड (प्रतिनिधी अनिल शेटे) : गंगाखेड तालुक्यातील ग्रामीण भागात शेतक-याची , पशु पालकाची जनावरे चोरी होत असल्याच्या घटना वारंवार घडताना दिसुन येतात. पडेगाव येथील शेतकरी शेषेराव आगलावे याच्या शेत आखाड्यावर बांधलेली बैल जोडी दि.१४ मे रोजी मध्यरात्रीच्या सुमारास अज्ञात चोरट्यानी पळवुन नेली.बैल चोरी झाल्याने शेतकरी हतबल झाला असुन शेतीची कामे कशी करावी ही चिंता लागली.पोलीस ठाण्यात अज्ञात चोरट्याविरूद्ध गुन्हा दाखल करण्यात आला.या घटनेला चार दिवस उलटून असुन अद्याप पोलीसाना या चोरीचा उलगडा झाला नाही.
जनावराना सोन्याची किंमत आल्याने चोरट्यानी शेत आखाड्यावर बांधलेल्या जनावराच्या चोरीकडे अधिक लक्ष वेधल्याचे दिसुन येते.अशा घटना वारंवार घडत असल्याने शेतक-यात व पशुपालकानी धास्ती घेतल्याचे समोर आले.पडेगाव येथील शेतकरी शेषेराव आगलावे यानी दिवभर शेतात काम केले.सायंकाळी शेत आखाड्यावर रोजच्या प्रमाणे बैल बांधले.त्याना वैरणपाणी करून घरी परतले.गावात लग्न असल्याने त्यानी परत शेत आखाड्यावर गेले नाही.
गावात घरीच मुक्काम केला.दुस-या दिवशी सकाळी शेत आखाड्यावर बांधलेल्या बैलाना चारा पाणी करण्यासाठी गेले असता तिथे बैल आढळून आले नाही.त्यानी परीसरातील शेतक-याकडे चौकशी केली, तसेच सर्व परीसरात शोध घेतला तरी बैल आढळून आली नाही.शोध घेऊन बैल सापडत नसल्याने चोरीला गेल्याची खात्री झाली. पोलीस ठाण्यात धाव घेऊन बैल चोरीची तक्रार दाखल केली.
या तक्रारीवरून अज्ञात चोरट्याविरूद्ध गुन्हा दाखल झाला.या बैल जोडीची किंमत एक लाख रूपये आहे.दुसरी बैलजोडी विकत घेण्यासाठी पैशे नसल्याने शेतीची कामे कशी करावी याची त्याना चिंता लागली.घटना घडून चार दिवस उलटून गेले तरी पोलीसाना बैलाचा शोध लागला नाही.जनावरे चोरी करणा-या चोरट्यानी तालुक्यात बैल व इतर जनावरे चोरी करण्याचा धडाका लावला.वारंवार जनावरे चोरी होत असल्याच्या घटनेने पशु पालकात धास्तीचे वातावरण निर्माण झाले.पोलीस या चोरट्याचा शोध घेण्यात अयशस्वी ठरत असल्याचे समोर आले.
