पुणे जिल्ह्यात मुसळधार पावसाची हजेरी; ताम्हिणीमध्ये २३० मिमी पावसाची नोंद
पुणे (Times Of Maharashtra) – (Heavy Rain in Pune District) पुणे शहर आणि जिल्ह्यात मागील २४ तासांत पावसाने जोरदार हजेरी लावली असून अनेक भागांत १०० मिमी पेक्षा अधिक पावसाची नोंद झाली आहे. गेल्या काही दिवसांपासून सुरू असलेल्या पावसाने बुधवारपासून पुन्हा एकदा जोर पकडला आहे. घाटमाथ्यांसह शहरातही दमदार सरी बरसल्या आहेत.
हवामान विभागाच्या माहितीनुसार, ताम्हिणी येथे सर्वाधिक २३० मिमी पावसाची नोंद झाली. याशिवाय कुरवंडे – २१९ मिमी, गिरीवन – १६० मिमी, निमगिरी – ११६ मिमी, भोर – १०९ मिमी, माळीण – ६९ मिमी, तळेगाव – ६५ मिमी, लवळे – ६० मिमी, एनडीए – ५२ मिमी, (Narayangaon) नारायणगाव – ४८.५ मिमी, पाषाण – ३३ मिमी आणि शिवाजीनगर – ३१.५ मिमी पावसाची नोंद झाली आहे.
या पावसामुळे अनेक भागांत रस्ते जलमय झाले असून वाहतूक व्यवस्था काही प्रमाणात विस्कळीत झाली आहे. मात्र, हवामान विभागाने पुढील चार दिवस हलक्या ते मध्यम स्वरूपाच्या पावसाचा अंदाज वर्तवला आहे, ज्यामुळे शेतकऱ्यांमध्ये आनंदाचे वातावरण निर्माण झाले आहे. खरीप हंगामासाठी हा पाऊस अत्यंत उपयुक्त ठरणार आहे.
दरम्यान, शहरातील काही भागांत पाणी साचण्याच्या घटना समोर येत असून, प्रशासनाने याकडे गांभीर्याने लक्ष देण्याची गरज आहे, जेणेकरून नागरिकांना दैनंदिन जीवनात अडचणींचा सामना करावा लागणार नाही.
Heavy Hain In Pune District
