Times of Maharashtra Desk Pune High Alert : काल सोमवार (दी .१०) संध्याकाळी दिल्ली लाल किल्याच्यासमोर झालेल्या बॉम्ब ब्लास्टमुळे संपूर्ण दिल्लीसह भारत हादरला आहे. दिल्लीत झालेल्या बॉम्बस्फोटामुळे महाराष्ट्रात ही अनेक ठिकाणी असा हल्ला होण्याची शक्यता वर्तवली जात आहे. याच पार्श्वभूमीवर पुण्यसह महाराष्ट्रातील प्रमुख शहरात कडक बंदोबस्त करण्यात आला आहे. पुणे शहरात पोलिस आयुक्त अमितेश कुमार यांनी “हाय अलर्ट” जारी केला असून नागरिकांना सतर्कतेचा इशारा दिला आहे. यामुळे शहरात पोलिस बंदोबस्त वाढविण्यात आला आहे.
पुण्यात कुठे कुठे पोलिस बंदोबस्त असणार?
कालचा बॉम्बस्फोट हा दहशलवादी हल्ला असल्याची शक्यता असून त्या दृष्टीने तपास सुरू करण्यात आला आहे. या आनुषंगाने पुण्यात स्वारगेट , शिवाजी नगर बसस्थानक , पुणे रेल्वे स्टेशन , दगडूशेट हलवाई गणपती मंदिर तर अन्य पर्यटन स्थळांसह मध्यवर्ती भागात बंदोबस्त वाढवण्यात आला आहे. तसेच संभाव्य घातपात टाळण्यासाठी शहरातील सर्व हॉटेल , लॉजची तपासणी करण्यात येणार असून पुण्यातील जास्त गर्दीच्या ठिकाणी बंदोबस्त असणार आहे अशी माहिती पुणे विभाग विशेष शाखेचे उपयुक्त डॉ. संदीप भाजीभाकरे यांनी दिली आहे. अनोळखी वस्तु किवा संशयित व्यक्ति आढल्यास पोलिसाना संपर्क साधावा असे आव्हान नागरिकांना करण्यात आले असून आपत्कालीन परिस्थित ११२ नंबर वर संपर्क करण्याच्या सूचना देण्यात आल्या आहेत.
दगडूशेट हलवाई मंदिरात जास्त सुरक्षा.
पुण्यातील दगडूशेट हलवाई गणपती मंदिर संपूर्ण महाराष्ट्राच्या भाविकांचे श्रद्धा स्थान असून दररोज हजारो भाविक येथे दर्शनाला येत असतात. जवळच शनिवार वाडा , तुळशीबाग असल्यामुळे या परिसरात लाखों माणसांसची ये- जा असते. त्यामुळे या ठिकाणी पोलिसांच्या फौजे सह स्वान पथक देखील तैनात करण्यात आले आहे. पुण्यात दिल्लीसारखा घातपात होऊ नये म्हणून गर्दीच्या ठिकाणी तसेच सार्वजनिक बस सेवांमध्ये विशेष काळजी घेतली जात आहे.
