JALGAON (प्रतिनिधी विनोद पवार): भुसावळ शहरातील बसस्थानक परिसरातून 31 वर्षीय युवक बेपत्ता झाल्याची घटना समोर आली असून या प्रकरणी भुसावळ बाजारपेठ पोलीस ठाण्यात हरवल्याची नोंद करण्यात आली आहे. युवक अचानक गायब झाल्याने कुटुंबीयांमध्ये चिंतेचे वातावरण निर्माण झाले आहे.
मिळालेल्या माहितीनुसार, दिपक दिलीप सोनी (वय 31) हे दिनांक 22 एप्रिल 2026 रोजी सकाळी सुमारे 9 वाजेच्या सुमारास भुसावळ बसस्थानक परिसरात दिसून आले होते. त्यानंतर ते कोणालाही काहीही न सांगता अचानक निघून गेले असून त्यांचा अद्याप कोणताही ठावठिकाणा लागलेला नाही.
हरवलेल्या युवकाचा पत्ता शिवकांत नरसावर रोड, इंदूर एम.पी., इंदूर असा नमूद करण्यात आला आहे. संबंधित व्यक्तीचा संपर्क क्रमांक 7067303040 असा असून ते भारतीय नागरिक असल्याची माहिती नोंदीत नमूद आहे.
युवकाचे वर्णन असे – उंची सुमारे 165 सेंटीमीटर, बांधा सामान्य/मध्यम, रंग सावळा, केस काळे असून इतर शारीरिक वैशिष्ट्यांची माहिती पोलिसांकडे नोंदविण्यात आली आहे.
कुटुंबीयांनी नातेवाईक, मित्रपरिवार तसेच विविध ठिकाणी शोध घेतला; मात्र कोणतीही माहिती न मिळाल्याने अखेर भुसावळ बाजारपेठ पोलीस ठाण्यात तक्रार दाखल करण्यात आली. पोलिसांनी हरवल्याची नोंद करून परिसरातील सीसीटीव्ही फुटेज तपासण्यास सुरुवात केली असून युवकाच्या शोधासाठी प्रयत्न सुरू आहेत.
