Times of Maharashtra Desk: पुणे महानगरपालिकेच्या कोंढवा प्रभाग क्रमांक १९ ड मधून काँग्रेस पक्षाच्या अधिकृत उमेदवार म्हणून तहेझीब सिद्दीकी या निवडणूक रिंगणात उतरल्या असून, सध्या त्यांचा प्रचार जोरात सुरू आहे. घराघरांतून मिळणारा प्रतिसाद आणि नागरिकांशी होणारा थेट संवाद यामुळे तहेझीब सिद्दीकी यांचे नाव परिसरात चर्चेचा विषय बनले आहे.
सामाजिक कार्याची पार्श्वभूमी लाभलेल्या तहेझीब सिद्दीकी या संवेदनशील,आणि लोकाभिमुख नेतृत्व म्हणून ओळखल्या जातात. महिलांचे प्रश्न, युवकांचे शिक्षण, आरोग्य सुविधा आणि स्वच्छतेसारख्या विषयांवर त्यांनी सातत्याने आवाज उठवला आहे. त्यामुळे नागरिकांमध्ये त्यांच्याबद्दल विश्वासाचे वातावरण निर्माण झाले आहे.
सध्या सुरू असलेल्या प्रचारादरम्यान त्या नागरिकांच्या अडचणी शांतपणे ऐकून घेत असून, प्रत्येक समस्येवर ठोस उपायांची दिशा मांडत आहेत. रस्ते, पाणीपुरवठा, ड्रेनेज, कचरा व्यवस्थापन आणि वाहतूक कोंडी यासारख्या मूलभूत प्रश्नांवर त्या विशेष लक्ष केंद्रित करत आहेत.
“प्रभागाचा सर्वांगीण विकास, पारदर्शक कारभार आणि प्रत्येक घटकाला न्याय हेच माझे ध्येय आहे,” असे त्या प्रचारादरम्यान सांगत आहेत. त्यांच्या या स्पष्ट आणि सकारात्मक भूमिकेमुळे महिला, युवक आणि ज्येष्ठ नागरिकांमध्ये विशेष उत्साह पाहायला मिळत आहे.कोंढवा प्रभाग १९ ड मध्ये नवीन, सक्षम आणि लोकांशी जोडलेले नेतृत्व म्हणून तहेझीब सिद्दीकी यांच्याकडे पाहिले जात असून, आगामी निवडणुकीत त्या कितपत यशस्वी ठरतात याकडे राजकीय वर्तुळाचे लक्ष लागले आहे
