Times of Maharashtra Desk: कोळसा घोटाळा प्रकरणी प्रवर्तन निदेशालयाने (ED) गुरुवारी कोलकात्यातील राजकीय सल्लागार संस्था I-PAC (इंडियन पॉलिटिकल अॅक्शन कमिटी) च्या कार्यालयावर छापेमारी केली. याच प्रकरणात I-PACचे प्रमुख प्रशांत (प्रतीक) जैन यांच्या निवासस्थानीही EDने धाड टाकली. या कारवाईदरम्यान पश्चिम बंगालच्या मुख्यमंत्री ममता बॅनर्जी स्वतः I-PACच्या कार्यालयात पोहोचल्या, त्यामुळे राजकीय वातावरण चांगलेच तापले.
गृहमंत्र्यांच्या इशाऱ्यावरूनच ही कारवाई – ममता बॅनर्जी
ED च्या छापेमारीदरम्यान ममता बॅनर्जी कार्यालयातून काही फाइल्स हातात घेऊन बाहेर आल्या. यावेळी त्यांनी केंद्र सरकारवर जोरदार हल्लाबोल केला.
ममता म्हणाल्या, ED आणि गृहमंत्री अमित शाह यांचे काम काय? राजकीय पक्षांची हार्ड डिस्क आणि मतदार यादी जप्त करणे? देशाची सुरक्षा सांभाळण्यात अपयशी ठरणारे हे अतिशय घटिया आणि शरारती गृहमंत्री आहेत. आमच्यावर दबाव आणण्यासाठीच ही कारवाई मुद्दाम केली जात आहे. EDने केवळ I-PACच नव्हे, तर तृणमूल काँग्रेसच्या (TMC) IT सेलवरही छापेमारी केल्याचे समोर आले आहे.यावर ममता म्हणाल्य “ED माझ्या पक्षाशी संबंधित सर्व कागदपत्रे उचलून नेत आहे. मी जर भाजपच्या कार्यालयावर छापा टाकला तर काय होईल? SIRच्या माध्यमातून बंगालमध्ये मतदारांची नावे काढून टाकली जात आहेत. निवडणुकांच्या नावाखाली माझ्या पक्षाची सगळी माहिती गोळा केली जात आहे.
भाजपचा जोरदार पलटवार
ममता बॅनर्जींच्या आरोपांनंतर भाजप नेते आणि विरोधी पक्षनेते शुभेंदु अधिकारी यांनी तीव्र प्रतिक्रिया दिली.
ते म्हणाले,“ममता बॅनर्जी संविधानाचे उल्लंघन करत आहेत. त्या केंद्रीय तपास यंत्रणांच्या कामात अडथळा आणत आहेत. जर ममता यांच्या घरावर छापा पडला, तर किमान 100 कोटी रुपये सापडतील.
ममतांविरोधात कायदेशीर कारवाईची मागणी
शुभेंदु अधिकारी यांनी ममता बॅनर्जी यांच्याविरोधात कायदेशीर कारवाईची मागणी केली आहे.
ते पुढे म्हणाले,आज ममता यांनी जे केले, ते थेट तपासात अडथळा आणण्यासारखे आहे. I-PACच्या कार्यालयात मतदार यादी का होती? I-PAC हे पक्षाचे कार्यालय आहे का? ममता कुठेही, कधीही छापेमारी करून दाखवोत. कोलकात्यातील या घडामोडींमुळे कोळसा घोटाळा प्रकरणासह केंद्र–राज्य संघर्ष पुन्हा एकदा चव्हाट्यावर आला असून, येत्या काळात या प्रकरणावर राजकीय तापमान आणखी वाढण्याची शक्यता आहे.
