महाड:(प्रतिनिधी दिनेश चाफळकर) बिरवाडी शहरातील विविध ठिकाणी कथितरित्या सुरू असलेल्या अवैध मटका व जुगार व्यवसायाविरोधात कारवाई करण्याची मागणी करत सातकार ग्रामीन फाउंडेशन, रायगडच्या वतीने महाड एमआयडीसी पोलीस ठाण्यात लेखी तक्रार दाखल करण्यात आली आहे. महाड एमआयडीसी पोलीस ठाणे हे बिरवाडी परिसराच्या अधिकारक्षेत्रातील पोलीस ठाणे आहे.
तक्रारीनुसार, शहरात विविध ठिकाणी कथित अवैध मटका-जुगार व्यवसाय सुरू असून त्यामुळे युवक व्यसनाधीन होत असल्याचा तसेच अनेक कुटुंबांचे आर्थिक नुकसान होत असल्याचा आरोप करण्यात आला आहे.
तसेच संबंधित अवैध व्यवसायाची तातडीने चौकशी करून आयोजक, चालक व संबंधितांवर कायद्यानुसार कठोर कारवाई करावी आणि हा व्यवसाय त्वरित बंद करण्यात यावा, अशी मागणी तक्रारीत करण्यात आली आहे.
या तक्रारीनंतर पोलीस प्रशासनाकडून कोणती कारवाई केली जाते, याकडे बिरवाडी परिसरातील नागरिकांचे लक्ष लागले आहे.
