देऊळगाव राजा (प्रतिनिधी बबनराव नागरे) : दिनांक 12 जून 2026 रोजी सायंकाळी ६.३० वाजता आलेल्या अचानक चक्रीवादळामुळे लाखो रुपयांचे नुकसान सिंदखेडराजा तालुक्यातील महारखेड शिवारामध्ये झालेले आहे. यामध्ये किसनराव नागरे यांचे नेट शेड संपूर्ण उद्ध्वस्त झाले आहे तसेच निखिल देवरे यांचे पॉलिहाऊस संपूर्ण जमीन दोस्त झाल्यामुळे लाखो रुपयांचे नुकसान झाले आहे तसेच झाडांची पडझड झाली आहे इलेक्ट्रिक पोल मोडून पडला आहे.
रवी जायभाये , गजानन डिगोळे, रामदास जायभाये , यांच्या बखारी वरील टीन पत्रे उडून गेल्यामुळे त्यांचे नुस्कान झाले आहे .तसेच बाखारी मध्ये ठेवलेले धान्य,गुरांचा चारा, खाद्य भिडल्यामुळे मोठ्या प्रमाणात नुकसान झाले आहे.रामदास जायभाये यांच्या घरावरील पत्रे उडाल्यामुळे घरातील धान्य व संसार उपयोगी साहित्य भिजल्यामुळे खराब झाले आहे. सर्जेराव नागरे यांच्या शेतातील इलेक्ट्रिक पोल मोडून पडल्यामुळे वीज प्रवाह खंडित झाला आहे.
सोहम जायभाये यांच्या कार गाडीवर व आकाश डोईफोडे यांचे ट्रॅक्टरवर बाभळीच्या झाडाची फांदी मोडून पडल्यामुळे नुकसान न होता थोडक्यात सदर वाहन वाचले आहे. सदर शेतकर्योंच्या झालेल्या नुकसानीचे तात्काळ पंचनामे करून महसूल विभाग व कृषीविभाग यांनी नुकसान भरपाई द्यावी अशी मागणी केली आहे.आईन पेरणीच्या तोंडावर चक्रीवादळाचा तडाखा बसल्याने शेतकरीआर्थीक संकटात सापडले आहेत.
