गेवराई (प्रतिनिधी विष्णू गायकवाड) : गेवराई तालुक्यातील चकलांबा येथे महात्मा ज्योतिबा फुले व भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांची संयुक्त जयंती मंगळवारी दि.14 एप्रिल रोजी उत्साहात, आनंदात साजरा करण्यात येणार असून, त्यानिमित्ताने संस्था – संघटनांनी विशेष तयारी केली आहे चकलांबा येथे. स्थानक परिसरात भव्य मंडपाची उभारणी केली असून, येथे विविध संस्था- संघटनांकडून शुभेच्छा फलकही लावले आहे.
या ठिकाणी हजारो अनुयायी अभिवादनासाठी येणार आहेत आणि या ठिकाणी महात्मा ज्योतिबा फुले व डॉ. आंबेडकर यांच्या पुस्तकांच्या स्टॉल्ससह विविध संस्था- संघटना आणि पक्षांकडून सामाजिक उपक्रमही राबविण्यात येणार आहे. तर चकलांबा येथे व परिसरात विविध मंडळांकडून सांस्कृतिक कार्यक्रमांचे आयोजन केले आहे.
दरवर्षीप्रमाणे यंदाही महात्मा ज्योतिबा फुले व भारतरत्न डॉ. बाबासाहेब आंबेडकर यांच्या संयुक्त जयंतीनिमित्ताने संस्था- संघटना, विविध राजकीय पक्ष आणि मंडळांकडून सामाजिक उपक्रमांसह सांस्कृतिक उपक्रमांचे आयोजन केले आहे. चकलांबा परिसरातील अनुयायी महात्मा ज्योतिबा फुले व डॉ. बाबासाहेब आंबेडकर यांच्या प्रतिमेला अभिवादन करण्यासाठी मोठ्या संख्येने जमणार असून, त्यामुळेच या ठिकाणी मंडपाची उभारणी, स्टॉल्ससाठी वेगळी जागेची व्यवस्था, परिसराचे सुशोभीकरण आणि खास सजावटही करण्यात आली आहे.
अनुयायी एकत्र येऊन डॉ. आंबेडकर यांना अभिवादन करणार आहेत. तर याशिवाय उत्साहात जयंती साजरी करण्यात येणार आहे. व्याख्याने, परिसंवाद, चर्चासत्रांसह रक्तदान शिबिर, गरजूंना अन्नवाटप, पुस्तकांचे वाटप असे सामाजिक उपक्रमही आयोजिले आहेत. तर ठिकठिकाणी. महात्मा ज्योतिबा फुले डॉ. आंबेडकर यांच्या प्रतिमेला पुष्पहार अर्पण करून अभिवादन करण्यात येणार आहे. जयंतीच्या निमित्ताने अनुयायांमध्ये उत्साहाचे वातावरण
आहे.
14 एप्रिल रोजी सकाळी 8.30 महापुरुषांच्या प्रतिमेला पुष्पहार घालून मानवंदना करण्यात येणार आहे तसेच रात्री भीम गीतांचा आर्केस्ट्रा चा कार्यक्रम चकलांबा येथे होणारा असून या कार्यक्रमास आमदार विजयसिंह पंडित बदामराव पंडित माजी मंत्री बाळराजे पवार भाजप नेते यांच्यासह गावातील परिसरातील व तालुक्यातील नागरिक बहुसंख्येने उपस्थित राहणार असून सर्वांनी या कार्यक्रमास उपस्थित राहावे असे आवाहन सामाजिक कार्यकर्ते किसन रोकडे या कार्यक्रमाचे आयोजक सतीश घाडगे शकील भाई शेख प्रकाश खेडकर कुंडलिक गुंजाळ रेवन गायकवाड,
विष्णू कुलाल संदीप रोकडे देविदास रोकडे प्रशांत रोकडे नामदेव गुंजाळ शिवाजी फाटक किरण कोळसे श्रीकृष्ण खेडकर राधाकिसन जाधव इरफान कादरी अशोक वाव्हाळ अनिल साळवे भाऊराव साळवे नाना रोकडे सुहास रोकडे अनिल रोकडे वसंत साळवे विशाल कांबळे लहू रोकडे आनंद रोकडे अशोक रोकडे अशोक गुंजाळ माऊली खरे यांच्यासह आयोजन समिती मधील कार्यकर्त्यांनी केले आहे
