गंगाखेड प्रतिनिधी, अनिल शेटे
गंगाखेड तालुक्यातील पिंपळदरी पोलिस स्टेशन हद्दीत अवैध देशी दारुची वाहतूक करणाऱ्यांवर स्थानिक गुन्हे शाखेच्या परभणीच्या पोलिस पथकाने कारवाई करून या कार्यवाहीत ७७ हजार दोनशे रुपयांचा मुद्देमाल जप्त केला.सदरील कारवाई दि.१८ मे रोजी झाली.या धाडीमुळे स्थानिक पोलीस स्टेशनचे पोलिस करतात काय असा प्रश्न उपस्थित होतो.
पोलिस अधीक्षक पंकज कुमावत यांच्या आदेशान्वये स्थानिक गुन्हे शाखेचे पोलिस निरीक्षक विवेकानंद पाटील यांच्या मार्गदर्शनाखाली स्थानिक गुन्हे शाखेचे यांचे पथक तयार करून अवैध धंदे करणाऱ्यांवर कारवाईसाठी रवाना केले. गुप्त बातमीदाराकडुन मिळालेल्या माहितीवरून पिंपळदरी पोलिस ठाण्याच्या हद्दित
सतोष केंद्रे रा.खोकलेवाडी हा इसम बेकायदेशीर रित्या देशी दारू विक्री करण्याच्या उद्देशाने त्याच्या अँपे अँटोमधुन अवैध देशी दारू वाहतुक करतांना आढळुन आला त्याच्या ताब्यातून देशी भिगरी दारू २७ हजार २०० रूपायाचे किमतीचे ७ बँक्स व एक अँपे अँटो आसा एकुन ७७हजार २००रूपायांचा मुद्देमाल जप्त करण्यात आला. याप्रकरणी पिंपळदरी पोलिस ठाण्यात गुन्हा दाखल करण्यात आला आहे या
पथकातील चंदन परिहार, राहुल परसोडे, महेश कवठाळे, माणिक वाघ,दिलीप निलपत्रेवार, शरद सावंत यांनी सापळा रचून खोकलेवाडी येथिल संतोष केंद्रे याच्यावर कार्यवाही केली.
गंगाखेड तालुक्यांत स्थानिक पोलिसांच्या ‘अर्थपूर्ण’ दुर्लक्षामुळे अवैध दारू माफियांचे चांगलेच फावले आहे. पोलीस केवळ तात्पुरती कारवाई करतात आणि पुन्हा हे धंदे सुरू होतात.
अवैध दारूमुळे गावात भांडणे आणि मारामारी वाढत असून, महिलांना रस्त्याने चालणे कठीण झाले आहे.
परंतु स्थानिक पोलिसांनी अवैध दारू विक्रीवर कधी आळा घालणार आशी ही संतप्त प्रतिक्रिया तालुक्यातील महिलावर्गातुन पुढे येत आहे.
