शिरपूर(प्रतिनिधी तुषार शेटे):
शिरपूर येथे राम नवमी निमित्त सामाजिक बांधिलकी जपत जलसेवेचा उपक्रम राबविण्यात आला आहे. “जय श्रीराम” व “जय भोलेनाथ”च्या घोषणांनी परिसर दुमदुमून गेला असताना, शहरातील कॉटेज हॉस्पिटल परिसरात गरजू नागरिकांसाठी पानपोई सुरू करण्यात आली.
या उपक्रमाची सुरुवात २६ मार्च २०२६ पासून करण्यात आली असून, उन्हाळ्याच्या तीव्र पार्श्वभूमीवर रुग्ण, नातेवाईक व प्रवाशांना थंड पिण्याच्या पाण्याची सुविधा उपलब्ध करून देण्याचा उद्देश आहे. ज्ञानेश्वर पाटील (अप्पा) या सामाजिक कार्यकर्त्यांच्या पुढाकारातून ही सेवा सुरू झाली आहे.
रामनवमीच्या शुभ मुहूर्तावर या पानपोईचे उद्घाटन माननीय वैद्यकीय अधीक्षक डॉ. सुनील पावरा व डॉ. अनिल पाटील यांच्या हस्ते संपन्न झाले. यावेळी अनेक नागरिक उपस्थित होते.
या उपक्रमात विनोद पाटील, वाल्मिक कढरे, राजेश सनेर, पप्पू गोसावी, महेंद्र जाधव, लोटन काका तसेच अमोल महाराज जोशी यांचे अनमोल सहकार्य लाभले.
उन्हाळ्यात पाण्याची गरज लक्षात घेऊन सुरू करण्यात आलेली ही जलसेवा नागरिकांसाठी दिलासा ठरत आहे. सामाजिक ऐक्य व सेवाभावाचे उत्तम उदाहरण ठरत असलेला हा उपक्रम सर्वत्र कौतुकास पात्र ठरत आहे.
