धनंजय देवंग्रे (लातूर प्रतिनिधी ) : आनंदवाडी ग्रामपंचायत कार्यालय येथे समाजसुधारक संत गाडगे बाबा यांची जयंती मोठ्या उत्साहात व भक्तीभावाने साजरी करण्यात आली. कार्यक्रमाची सुरुवात संत गाडगे बाबा यांच्या प्रतिमेचे पूजन व पुष्पहार अर्पण करून करण्यात आली.
या प्रसंगी ग्रामपंचायत सदस्य, अधिकारी, कर्मचारी तसेच ग्रामस्थ मोठ्या संख्येने उपस्थित होते. उपस्थित मान्यवरांनी संत गाडगे बाबा यांच्या स्वच्छता, सामाजिक समता व अंधश्रद्धा निर्मूलन या कार्याचा उल्लेख करत त्यांच्या विचारांचे समाजासाठी असलेले महत्त्व अधोरेखित केले.
कार्यक्रमादरम्यान गाव स्वच्छ ठेवण्याची शपथ घेण्यात आली. तसेच स्वच्छता अभियान राबवून परिसर स्वच्छ ठेवण्याचा संदेश देण्यात आला.
