मुंबई :मुंबईतील भायखळा परिसरात स्थित जेजे रुग्णालयाच्या वसतीगृहात एमबीबीएसच्या तिसऱ्या वर्षात शिक्षण घेणाऱ्या २२ वर्षीय विद्यार्थ्याने गळफास लावून आत्महत्या केल्याची धक्कादायक घटना समोर आली आहे. मृत विद्यार्थ्याचे नाव रोहन रामफेर प्रजापती असे असून, त्याने सोमवार (१० जून) रोजी रात्री १० वाजण्याच्या सुमारास आपल्या खोलीत आत्महत्येचे टोकाचे पाऊल उचलले.
रोहन प्रजापती हा जेजे रुग्णालयाच्या वसतीगृहात राहत होता आणि तिसऱ्या वर्षाचा वैद्यकीय अभ्यासक्रम करत होता. प्राथमिक माहितीनुसार, अभ्यासाचा वाढता ताण आणि घरातील आर्थिक अडचणी यामुळे रोहन मानसिक तणावाखाली होता. या तणावाला कंटाळून त्याने पंख्याला गळफास लावून आयुष्य संपवलं.
घटनेनंतर साथीदारांनी दरवाजा ठोठावला, मात्र आतून कोणतीही प्रतिक्रिया न आल्यामुळे दरवाजा तोडण्यात आला. त्यावेळी रोहन गळफास घेतलेल्या अवस्थेत आढळून आला. तातडीने त्याला रुग्णालयात दाखल करण्यात आलं, मात्र डॉक्टरांनी मध्यरात्री त्याला मृत घोषित केलं.
Advertisement by Unique Computers
👇👇Click the Image below👇👇
Advertisement by Unique Computers
👆👆Click the Image below👆👆
याआधी पुण्यातही अशाच प्रकारची घटना घडली होती. रूबी क्लिनिकमध्ये कार्यरत असलेल्या एका २८ वर्षीय डॉक्टरने वरिष्ठांच्या त्रासाला कंटाळून आत्महत्या केली होती. या घटनांनी वैद्यकीय क्षेत्रातील विद्यार्थ्यांवरील तणावाचा मुद्दा पुन्हा ऐरणी वर आला आहे.
