Times Of Maharashtra Desk : राज्यातील जिल्हा परिषद आणि पंचायत समिती निवडणुकांचे निकाल आज जाहीर होत असून, सोलापूर जिल्हा परिषदेकडे राज्याचे लक्ष लागले आहे. सोलापूर जिल्हा परिषदेसाठी एकूण 68, तर पंचायत समितीच्या 136 जागांसाठी ही निवडणूक होत आहे. या निवडणुकीत भाजपने सर्वाधिक उमेदवार उभे केले असून, त्यानंतर राष्ट्रवादी काँग्रेस (अजित पवार गट), राष्ट्रवादी काँग्रेस (शरद पवार गट), शिवसेना (शिंदे गट), काँग्रेस आणि शिवसेना (ठाकरे गट) यांनी उमेदवार दिले आहेत. त्यामुळे जिल्ह्यातील सर्व 11 तालुक्यांमध्ये निकालाबाबत मोठी उत्सुकता आहे.
मोहोळमध्ये राष्ट्रवादी (अजित पवार गट) आघाडीवर
मोहोळ तालुक्यातील आष्टी जिल्हा परिषद गटातून राष्ट्रवादी काँग्रेस (अजित पवार गट) चे उमेदवार विजयराज डोंगरे यांनी पहिल्याच फेरीत आघाडी घेतली आहे.
तसेच आष्टी पंचायत समिती गणातून राष्ट्रवादी अजित पवार गटाचे अमित व्यवहारे हे विजयी झाले आहेत.
माळशिरसमधील प्रतिष्ठेच्या लढतीत भाजप आघाडीवर
माळशिरस तालुक्यातील प्रतिष्ठेच्या दहिगाव जिल्हा परिषद गटात भाजपच्या संस्कृती राम सातपुते यांनी आघाडी घेतली आहे. या ठिकाणी राष्ट्रवादी काँग्रेस (शरद पवार गट) चे विद्यमान आमदार उत्तम जानकर यांचे पुत्र जीवन जानकर हे पिछाडीवर आहेत.
महूद गटात शिवसेनेचा विजय
महूद जिल्हा परिषद गटातून शिवसेनेचे दादा लवटे हे विजयी झाले आहेत. तर पंचायत समितीमधून बाळासाहेब बंडगर आणि सोनाली पाटील हे दोन्ही उमेदवार विजयी झाले आहेत. या विजयामुळे शिवसेनेत उत्साहाचे वातावरण आहे.
सोलापूर जिल्हा परिषद – प्रमुख विजयी उमेदवार
-
करमाळा (11 जागा)
-
रश्मी बागल (भाजप) – पांडे गट
-
-
माळशिरस
-
संस्कृती सातपुते (भाजप) – दहिगाव गट
-
-
दक्षिण सोलापूर
-
नेताजी खंडागळे (भाजप) – बोरमणी जिल्हा परिषद गट
-
-
अक्कलकोट
-
शांभवी कल्याणशेट्टी (भाजप) – चपळगाव जिल्हा परिषद गट
-
इतर तालुक्यांतील निकाल हळूहळू स्पष्ट होत असून मतमोजणी अद्याप सुरू आहे.
दरम्यान, पंचायत समितीच्या 136 जागांचे निकालही टप्प्याटप्प्याने जाहीर होत असून पुढील काही तासांत सोलापूर जिल्ह्यातील संपूर्ण राजकीय चित्र स्पष्ट होणार आहे.
