पुणे : Vertex Healing Centre तर्फे नुकताच श्रेयस बँक्वेट येथे भव्य-दिव्य पदवीदान सोहळ्याचे आयोजन करण्यात आले. या विशेष समारंभात संस्थेच्या संचालिका Dr. Manjusha Tandekar यांच्या मार्गदर्शनाखाली प्रशिक्षण पूर्ण केलेल्या विविध क्षेत्रांतील रेकी ग्रँड मास्टर, एंजल मास्टर ट्रेनर, मनी रेकी ग्रँड मास्टर तसेच प्रोफेशनल टॅरो कार्ड रीडर्स यांचा प्रमाणपत्र व सन्मानचिन्ह देऊन गौरव करण्यात आला.
कार्यक्रमाचे आणखी एक प्रमुख आकर्षण म्हणजे अवघ्या १७ वर्षीय Shivansh Tandekar लिखित “The Things Teenagers Don’t Say” या पुस्तकाचे प्रकाशन होय. तरुण पिढीच्या भावना, विचार आणि मनातील न बोलल्या जाणाऱ्या पैलूंवर भाष्य करणाऱ्या या पुस्तकाचे मान्यवरांच्या हस्ते उत्साहपूर्ण वातावरणात प्रकाशन करण्यात आले.
या सोहळ्यास Dr. Rajan Sancheti, Deepak Prabhat, नागपूर येथील भारतीय मजदूर कामगार संघाचे Shankarrao Pahade, तसेच Yograj Katbari, Sharada Katbari, मुंबई येथील यशस्वी लाईफ कोच Dr. Suvarna Surve आणि अमरावती येथील Mahesh Kumar Tandekar यांची प्रमुख उपस्थिती लाभली होती.
विद्यार्थ्यांनी मोठ्या उत्साहाने आणि सकारात्मक ऊर्जेने कार्यक्रमात सहभाग नोंदवला. संपूर्ण समारंभ प्रेरणादायी आणि आनंददायी वातावरणात यशस्वीरित्या पार पडला.
गेल्या अनेक वर्षांपासून Vertex Healing Centre हे केंद्र लोकांच्या जीवनात आनंद, आत्मविश्वास आणि मानसिक सकारात्मकता निर्माण करण्यासाठी सातत्याने कार्यरत आहे. Dr. Manjusha Tandekar यांनी प्रशिक्षित केलेले विद्यार्थी आज महाराष्ट्रासह देश-विदेशात कार्यरत असून समाजात सकारात्मक परिवर्तन घडवून आणत आहेत.
मानसिक, आध्यात्मिक आणि वैयक्तिक विकासाच्या माध्यमातून समाजात सकारात्मक बदल घडविण्याचा संदेश देणारा हा सोहळा उपस्थितांसाठी प्रेरणादायी ठरला.
