Times of Maharashtra Desk , Mumbai Election Update : शिवसेना ठाकरे गटाचे प्रमुख उद्धव ठाकरे यांनी काल 27 नोव्हेंबर रोजी मनसेप्रमुख राज ठाकरे यांची शिवतीर्थ या निवासस्थानी भेट घेतली. या भेटीनंतर राजकीय वर्तुळात अनेक प्रश्नांनी डोक वर काढल होत. पण आता या सर्व प्रश्नांना उत्तर मिळाली असून राज ठाकरे आणि उद्धव ठाकरे यांच्यात मुंबई महानगरपालिकेसह विविध मुद्द्यांवर चर्चा झाली अशी माहिती मिळाली आहे. उद्धव ठाकरे यांची शिवसेना आहे मनसे राज्यात 6 ठिकाणी एकत्र निवडणूक लढवणार आहेत. मुंबई महापालिकेसह कल्याण-डोंबिवली, नवी मुंबई, ठाणे, नाशिक, पुणे महापालिकेत ठाकरेंची शिवसेना आणि मनसेची युती रिंगणात उतरणार आहे.
ठाणे महापालिका निवडणुकीच्या अनुषंगाने ठाकरेंच्या शिवसेनेकडून राजन विचारे, तर मनसेकडून अविनाश जाधव यांना जागा वाटपाची चर्चा करण्याची जबाबदारी देण्यात आली असून कल्याण-डोंबिवली महापालिकेमध्ये मनसेचे माजी आमदार राजू पाटील, तर ठाकरेंच्या शिवसेनेकडून आमदार वरूण सरदेसाई यांच्याकडे जागा वाटपाच्या चर्चेची जबाबदारी देण्यात येणार आहे.
मनसे मराठी बहुल भागातील जास्तीत जास्त जागा मिळवण्यास इच्छुक आहे. त्यासाठी त्यांनी शिवसेना ठाकरे गटाकडून 20-25 जागा मागितल्या आहेत, तसेच काही नगरसेवक जे शिंदे गटात गेले आहेत, त्या जागांसाठीही मनसेची मागणी आहे.ठाकरे गटाच्या काही जागांवर मनसेची मागणी मोठी असल्यामुळे ठाकरे गट थोडे गोंधळले आहेत. पण शिवसेना फक्त जिथे त्यांची संघटनात्मक ताकद आहे आणि जिथे तगडे उमेदवार देणार आहे अशी माहिती मिळाली आहे. दादर-माहिम, वरळी, शिवडी, भायखळा, भांडूप, जोगेश्वरी अशा मराठी बहुल भागांवर दोन्ही पक्षांत रस्सीखेच सुरू आहे. ठाकरे बंधूंनी कोण कुठून लढणार यावर अजून ठोस निर्णय घेतलेला नाही. त्यामुळे मुंबई राजकीय वर्तुळात ठाकरे बंधु कोणती रणनीती आखणार यावर सर्वांचे लक्ष आहे.
