विनोद पवार (जळगाव प्रतिनिधी ) : वरणगाव नगरपरिषदेत आज पार पडलेल्या विशेष सभेत भारतीय जनता पक्षाने स्पष्ट बहुमताच्या जोरावर सत्ता स्थापन केली. या बैठकीत नगरपरिषदेच्या विविध विषय समित्यांच्या सभापतींची निवड एकमताने करण्यात आली.
यामध्ये उपनगराध्यक्ष (नियोजन सभापती) म्हणून अरुणा इंगळे, बांधकाम सभापती म्हणून श्रद्धा गायकवाड, महिला व बालकल्याण सभापती म्हणून सौ. भाग्यश्री महेश सोनवणे, पाणीपुरवठा विभाग सभापती म्हणून श्री. निलेश खाचणे तर आरोग्य विभाग सभापती म्हणून वैशाली धनगर यांची निवड करण्यात आली आहे.
सभापतींच्या निवडीनंतर नगरपरिषद परिसरात उत्साहाचे वातावरण निर्माण झाले. नवनिर्वाचित सभापतींचे विविध सामाजिक संघटना, भाजप पदाधिकारी तसेच वरणगावमधील नागरिकांकडून अभिनंदन करण्यात आले. पुष्पगुच्छ, हार व शुभेच्छांच्या माध्यमातून त्यांचा सत्कार करण्यात आला.
नव्या नेतृत्वाखाली वरणगाव शहराच्या विकासाला गती मिळेल, असा विश्वास यावेळी व्यक्त करण्यात आला.
