Times Of Maharashtra : बदलत्या जीवनशैलीत तरुण पिढी मोठी स्वप्ने पाहत असतानाच कुटुंबीयांप्रतीची जबाबदारीही तितक्याच गांभीर्याने पार पाडत आहे. याच विचारधारेचा केंद्रबिंदू ठेवून SBI लाइफ इन्शुरन्सने ‘जॉली & पॉली’ ही नवी ब्रँड मोहीम सुरू केली आहे. या मोहिमेसाठी भारतीय क्रिकेट संघातील स्टार खेळाडू ऋषभ पंत आणि रवींद्र जडेजा यांची ब्रँड अॅम्बेसेडर म्हणून निवड करण्यात आली आहे.
या मोहिमेअंतर्गत दोन नवीन टेलिव्हिजन जाहिराती (TVC) सादर करण्यात आल्या असून, ‘जॉली’ आणि ‘पॉली’ या व्यक्तिरेखांच्या माध्यमातून जीवनविम्याचे महत्त्व साध्या, आपुलकीच्या आणि सकारात्मक पद्धतीने मांडण्यात आले आहे. आधुनिक जीवनातील आकांक्षा आणि आर्थिक सुरक्षितता यामधील समतोल अधोरेखित करण्याचा प्रयत्न या जाहिरातींमधून करण्यात आला आहे.
या नव्या ब्रँड असोसिएशनविषयी बोलताना SBI लाइफ इन्शुरन्सचे चीफ ब्रँड, कॉर्पोरेट कम्युनिकेशन आणि CSR प्रमुख श्री. रवींद्र शर्मा यांनी सांगितले की, “भारतामध्ये एक नवी पिढी उदयास येत आहे, जी उद्देशपूर्ण जीवन जगू इच्छिते आणि कुटुंबीयांप्रतीची जबाबदारीही निभावू इच्छिते. जीवनविमा हा हा समतोल साधण्यास मदत करतो, असा आमचा ठाम विश्वास आहे. ‘जॉली & पॉली’ या संकल्पनेतून हा विश्वास आपुलकीच्या पद्धतीने मांडण्यात आला आहे.
ब्रँड अॅम्बेसेडर ऋषभ पंत म्हणाले, “देशातील तरुण मोठी स्वप्ने पाहतात. SBI लाइफचा दृष्टिकोन आणि स्वप्नांना बळ देण्याची भूमिका मला खूप जवळची वाटते. ‘जॉली’ म्हणून मी कुटुंबांना त्यांच्या मुलांना स्वप्नांचा पाठपुरावा करू देण्याचा संदेश देतो.”
तर रवींद्र जडेजा म्हणाले, ‘पॉली’ म्हणून मी लोकांना विचारपूर्वक आर्थिक नियोजन करण्यास प्रेरित करतो, जेणेकरून वैयक्तिक स्वप्ने आणि कौटुंबिक जबाबदाऱ्या यामध्ये तडजोड करावी लागू नये.
‘जॉली & पॉली’ या मोहिमेद्वारे SBI लाइफ दीर्घकालीन ब्रँड कथा उभारत असून, आधुनिक जीवनातील आकांक्षा, जबाबदाऱ्या आणि आर्थिक सुरक्षिततेचा समतोल अधोरेखित करण्याचा प्रयत्न करत आहे.
