आंबेडकर भवन विस्तारीकरणासाठी सकारात्मक पावले; मुख्यमंत्र्यांसह दोन्ही उपमुख्यमंत्र्यांकडून तत्काळ निर्णयाचे आश्वासन

पुणे शहरातील आंबेडकरी चळवळीतील सर्वपक्षीय नेत्यांनी संयुक्तपणे उपमुख्यमंत्र्यांची भेट घेत सदर मागणीचे निवेदन सादर केले. ससून हॉस्पिटल समोरील जागेवर डॉ. बाबासाहेब आंबेडकरांचे भव्य स्मारक आणि आधुनिक सांस्कृतिक केंद्र उभारण्याबाबत मागील काही वर्षांपासून प्रयत्न सुरू आहेत. यापूर्वीही मुख्यमंत्री देवेंद्र फडणवीस यांच्याशी सविस्तर चर्चा झाली असून त्यांनी तांत्रिक अडचणी दूर झाल्यानंतरच अंतिम निर्णय होईल असे स्पष्ट केले होते.

Advertisement by Unique Computers

👇👇Click the Image below👇👇

Advertisement by Unique Computers

👆👆Click the Image below👆👆

या पार्श्वभूमीवर, पुन्हा एकदा शिष्टमंडळाने दोन्ही उपमुख्यमंत्र्यांची भेट घेतली. या भेटीदरम्यान स्मारकासाठी लागणाऱ्या जागेची निश्चिती, निधी, नियोजन व प्रशासकीय प्रक्रियेबाबत सकारात्मक चर्चा झाली. राज्य शासन या महत्त्वाच्या सांस्कृतिक प्रकल्पाकडे गांभीर्याने पाहत असून बाबासाहेबांच्या स्मृतीस योग्य असा जागतिक दर्जाचा प्रकल्प उभारण्यात येईल, असेही आश्वासन उपमुख्यमंत्री अजित पवार व एकनाथ शिंदे यांनी दिले.

यावेळी शिष्टमंडळामध्ये परशुराम वाडेकर, बाळासाहेब जानराव, शैलेंद्र चव्हाण, राहुल डंबाळे आणि संजय सोनवणे यांच्यासह इतर मान्यवर नेते उपस्थित होते.

हे शिष्टमंडळ सातत्याने शासनाकडे तसेच अनेक मंत्र्यांकडे पाठपुरावा करत आहेत.