Times of Maharastra Desk, Supriya Sule on Ajit Pawar : उपमुख्यमंत्री अजित पवार यांच्या नागपूर येतील कार्यालयात एका कार्यक्रमादरम्यान महिला कार्यकर्त्याने लावणी सादरीकरण केल्याचा व्हिडिओ सध्या सोशल मीडिया वर वायरल होत आहे. या व्हिडिओ मध्ये महिला कार्यकर्त्या वाजले कि बारा या गाण्यावर ठेका धरत नाचताना दिसत आहे. या सादरीकरणामुळे वाद निर्माण झाला आहे. दोन महिन्यापूर्वीच उपमुख्यमंत्री अजित पवार यांनी नागपूर मध्ये या कार्यालयाचे उदघाटन केले होते.राष्ट्रवादी काँग्रेसच्या नागपूर शहराध्यक्षांच्या वतीने या ठिकाणी ‘दिवाळी मिलन कार्यक्रम’ आयोजित करण्यात आला होता. याच कार्यक्रम वेळी एका महिला कार्यकर्तीने लावणी सादर केली. यावेळी राष्ट्रवादी काँग्रेस पक्षाचे अनेक पदाधीकारी आणि कार्यकर्ते उपस्थित होते. या लावणी सादरीकरणामुळे पक्ष कार्यालयात अशा प्रकारचे नृत्य सादर करणे कितपत योग्य? असा प्रश्न विरोधाकडून उपस्थित केला जात आहे. या प्रकरणावर शरद पवार गटाच्या खासदार सुप्रिया सुळे यांनी देखील जोरदार टीका केली आहे.
सुप्रिया सुळे म्हणतात कि,
“पक्ष कार्यालयात हे अशा प्रकारचे सादरीकरण बघून मनाला दुःख होते. अतिशय अस्वस्थ करणारा हा व्हिडिओ आहे”
पुढे याच साठी तुम्ही शरद पवारांकडू पक्ष काढून घेतला का असा प्रश्न त्यांनी अजित पवार याना केला आहे. हा पक्ष उभा करण्यासाठी अनेक जणांनी मेहनत घेतली आहे, तिथे हे असले प्रकार पाहणं म्हणजे माझं दुर्दैव आहे.
सुप्रिया सुळे यांनी केलेल्या या टाके नंतर खासदार प्रफुल्ल पटेल यांनी या लावणी प्रकरणाची खबरदारी घेत पदाधिकाऱ्यांना चांगलेच खडसावले आहे. तसेच हा प्रकार अयोग्य असून या बाबद योग्य ती कारवाई केली जाईल असे म्हंटले आहे.
