ब्रम्हपुरी (प्रतिनिधी-रुपेश देशमुख) : आरमोरी रोडवरील रेल्वे फाटकावर गोंदिया- चांदाफोर्ट लोहमार्गावरील वाहतुक मोठया प्रमाणात वाढल्यामुळे येथील रेल्वे फाटक वारंवार पाडण्यात येते. त्यामुळे त्या मार्गावरील दोन्ही बाजुना मोठया प्रमाणात वाहतुकीची एक कोंडी निर्माण होते. या वाहतुक कोंडीचा शालेय विद्यार्थी, रूग्ण, ये-जा करणारे कर्मचारी, कामगार वर्ग, रूग्ण वाहिका, विद्यार्थीच्या बसेस तसेच इतर वाहन धारकांना मोठ्या प्रमाणात सामना करावा लागतो.
सद्य स्थितीत या महामार्गावर निर्माणाधीन उड्डाण पुलाचे बांधकाम चालू असल्यामुळे मोठया प्रमाणात वाहतुक कोंडी निर्माण होते. या वाहतुक कोंडीमुळे मोठया अपघाताची शक्यता नाकारता येत नाही. या ठिकाणी वाहतुक हवालदाराची नेमणुक केली नसल्याने वाहन धारक बेजबाबदारीने वाहने चालवितात. आणि कोणत्याही वाहतुक नियमाचे पालन करीत नाही. म्हणुन सदर रेल्वे फाटकावर वाहतूक कोंडी टाळुन नागरीकांना शिस्तबध्द आणि सुलभ वाहतूक करण्याकरीता वाहतुकहवालदार यांची पुर्णवेळ नियुक्ती करण्यात यावी यासाठी मा.प्रमोद बानबले पोलीस निरीक्षक पोलीस स्टेशन ब्रह्मपुरी यांना निवेदन देण्यात आले. यावेळी नगराध्यक्ष योगेश मिसार, वासुभाऊ सोदरकर, संदीप राऊत, भास्कर उरकुडे, गोवर्धन दोनाडकर , शामराव भानारकर, किष्णा राऊत व अन्य ब्रम्हपुरी वासिय उपस्थित होते..
