Times of India Desk, Pune: भारतातील राजकारणात आपल्या तिखट विधानांसाठी ओळखले जाणारे एमआयएमचे अध्यक्ष असदुद्दीन ओवेसी यांनी परदेशात जाऊन पाकिस्तानची चांगलीच धुलाई केली आहे. नेहमी भारतीय जनता पक्षावर टीकास्त्र सोडणाऱ्या ओवेसींनी यावेळी मात्र एका पाकिस्तानी तरुणाला असे सडेतोड उत्तर दिले की, उपस्थितांनी टाळ्यांचा कडकडाट केला. “पाकिस्तानी मुस्लिम तुमचे भाऊ आहेत का?” या प्रश्नावर ओवेसींनी दिलेले उत्तर सध्या सोशल मीडियावर आगीसारखे पसरले आहे.
नेमकं घडलं काय ?
अमेरिकेतील शिकागो येथे एका कार्यक्रमादरम्यान ओवेसी संवाद साधत होते. यावेळी प्रेक्षकांमधील एका पाकिस्तानी तरुणाने त्यांना विचारले, “ओवेसी साहेब, पाकिस्तानी मुस्लिम तुमचे भाऊ आहेत, असे तुम्ही मानता का?”
हा प्रश्न ऐकताच ओवेसींनी आपल्या नेहमीच्या शैलीत पण अत्यंत कठोर शब्दांत उत्तर दिले. ते म्हणाले,
“कोण भाऊ? कसले भाऊ? ज्या देशातून आलेल्या दहशतवाद्यांनी मुंबईवर हल्ला केला, १६० हून अधिक निरपराधांचा जीव घेतला, कसाबसारखे नराधम जिथे तयार होतात, त्या देशातील लोक आमचे भाऊ कसे असू शकतात?”
आम्ही जिनांना लाथाडले आहे
ओवेसी यांनी यावेळी इतिहासाचा दाखला देत सांगितले की, “भारतातील मुस्लिमांनी फाळणीच्या वेळीच मोहंमद अली जिना यांच्या द्विराष्ट्रवादाला नाकारले होते. आमचे पूर्वज पाकिस्तानात गेले नाहीत, त्यांनी भारत हीच आपली मातृभूमी मानली. त्यामुळे पाकिस्तानशी आमचे नाते जोडू नका. तो एक अयशस्वी देश आहे.”
पाकिस्तानला आरसा दाखवला
आपल्या भाषणात ओवेसींनी पाकिस्तानच्या सध्याच्या दयनीय अवस्थेवरही बोट ठेवले. ते म्हणाले, “पाकिस्तानचे नेते म्हणजे जोकर्स आहेत. त्यांना देश चालवता येत नाही आणि ते भारताशी बरोबरी करायला जातात.” पाकिस्तानने भारताच्या अंतर्गत विषयात नाक खुपसू नये,” असा सज्जड दमही त्यांनी भरला.
व्हिडिओ का होतोय व्हायरल?
साधारणपणे भारतात ओवेसींवर देशविरोधी किंवा पाकिस्तानधार्जिणे असल्याची टीका विरोधकांकडून केली जाते. मात्र, अमेरिकेच्या भूमीवर उभे राहून ओवेसींनी ज्या प्रकारे पाकिस्तानला सुनावले, ते पाहून नेटकरी त्यांचे कौतुक करत आहेत.
