Times of Maharashtra Desk, Bihar Elections: नुकत्याच बिहारच्या निवडणुका पार पडल्या. यामध्ये भाजपने सर्वात जास्त मते जिंकून धुरळा उडवला आहे.नितीश कुमारांपेक्षा भाजपचे 4 आमदार जास्त निवडून आले आहेत.त्यामुळे बिहारचा मुख्यमंत्री कोण? अशी चर्चा चालू आहे. नितीश कुमार पुन्हा मुख्यमंत्री पदाची शपथ घेणार का असा प्रश्न सर्वांनाच पडला असताना बिहारचा मंत्रिमंडळ फॉर्म्युला आता समोर आला आहे. त्यामुळे आता या प्रश्नांना पूर्णविराम मिळणार आहे. निवडणुकीच्या आधी बिहारमध्ये नितीश कुमारांचा एकनाथ शिंदे होणार..! अशी देखील चर्चा रंगली होती. कारण एकनाथ शिंदेंच्या नेतृत्वाखाली महाराष्ट्रात मुख्यमंत्री पदाची निवडणूक लढवण्यात आली होती आणि त्यातदेखील भाजपचे जास्त आमदार निवडून आले आणि देवेंद्र फडणवीस मुख्यमंत्री झाले.
नितीश कुमारांचा एकनाथ शिंदे होणार नाही !
महाराष्ट्रात जे घडले ते बिहारमध्ये घडणार नाही. अशी माहिती मिळाली आहे. बिहारमध्ये नितीश कुमार यांचेच सरकार गादीवर बसणार असुन यावेळी सुद्धा बिहारचे मुख्यमंत्री म्हणून नितीश कुमार शपथ घेणार आहेत. तर भाजपला दोन उपमुख्यमंत्री पदे मिळणार असून अद्याप उपमुख्यमंत्री पदाची नावे समोर आलेली नाहीत.आता बिहरमध्ये कोणते दोन नेते उपमुख्यमंत्री पदाची शपथ घेणार याची चर्चा सुरू झाली आहे.
कसा असणार मंत्रिमंडळाचा फॉर्मयुला?
बिहारमध्ये मंत्रीपदाची वाटणी निश्चित झाली असून भाजप आणि जेडियूला समसमान मंत्रीपदे असणार आहेत. यामध्ये दोन्ही पक्षाच्या प्रमुख नेत्याना महत्वाची खाती मिळणार असून बाकीच्या पदासाठी तरुण आणि नवीन चेहऱ्याना संधी मिळणार असल्याची शक्यता आहे तर हिंदुस्तानी आवाम मोर्चा आणि विकासशील इन्सान पार्टी यांसारख्या लहान मित्रपक्षांनाही त्यांच्या आमदारांच्या संख्येनुसार एक किंवा दोन मंत्रिपदे मिळतील अशी माहिती मिळाली आहे. बिहारमध्ये शपथविधी समारंभ लवकरच होण्याची शक्यता असून, त्यापूर्वी या यादीला अंतिम रूप दिले जाईल.
