दौंड (प्रतिनिधी संघराज गायकवाड,मयुर साळवे):
Times of Maharashtra Desk: दौंड शहरात तंबाखूजन्य पदार्थांच्या विक्रीवर व सार्वजनिक ठिकाणी धूम्रपानावर नियंत्रण ठेवण्यासाठी COTPA Act 2003 अंतर्गत धडक कारवाई करण्यात आली. या कारवाईत एकूण १० दुकानदारांवर दंडात्मक कारवाई करण्यात आली आहे.
ही संयुक्त कारवाई पोलीस विभाग व आरोग्य विभागाच्या सहकार्याने पार पडली. कारवाईदरम्यान पोलीस हवालदार लोहार, तसेच पी. एस. माने, ओ. एन. तुमकुटे, ओम ओ. शिंदे, के. बी. बंडगर, व्ही. एच. निकाळजे, एन. एम. पासलकर यांनी सक्रिय सहभाग घेतला. आरोग्य विभागाकडून जिल्हा सल्लागार डॉ. जयश्री सारस्वत (औंध जिल्हा रुग्णालय) तसेच श्रीमती मोहिनी भोसले / सुरवसे (सोशल वर्कर, औंध जिल्हा रुग्णालय) यांनी मार्गदर्शन केले.
तपासणीदरम्यान अनेक ठिकाणी
सार्वजनिक ठिकाणी धूम्रपानास प्रतिबंधक फलक नसणे,
शैक्षणिक संस्थांच्या १०० यार्ड परिसरात तंबाखू विक्री,
अल्पवयीनांना तंबाखू विक्रीचा संशय,
कायदेशीर आरोग्य इशाऱ्यांचे उल्लंघन
असे प्रकार आढळून आले.
या प्रकरणी COTPA कायदा कलम ४, ५, ६ व ६अ/ब अंतर्गत संबंधित दुकानदारांवर दंडात्मक कारवाई करण्यात आली. प्रशासनाने भविष्यात नियमभंग करणाऱ्यांवर अधिक कठोर कारवाईचा इशारा दिला असून, दौंड शहर तंबाखूमुक्त करण्यासाठी नागरिकांनी सहकार्य करण्याचे आवाहन करण्यात आले आहे.
