Times of Maharashtra Desk, Pune: राज्यामध्ये जिल्हा परिषद व पंचायत समिती सार्वत्रिक निवडणुकांचे बिगुल वाजल्यानंतर जिल्हा परिषदांच्या विविध गटांतून व पंचायत समितीच्या विविध गणांमधून इच्छुकांच्या लढतींची चुरस रगली आहे. तुळजापूर तालुक्यातील काक्रंबा जिल्हा परिषद गटामधून भारतीय जनता पार्टीचे दयानंद शिंदे निवडणुकीच्या रिंगणात आहेत.
सावित्रीबाई फुले पुणे विद्यापीठासारख्या विद्यापीठामध्ये उच्च शिक्षण घेत असतानाच, अखिल भारतीय विद्यार्थी परिषदेच्या माध्यमातून पुणे विद्यापीठामध्ये विद्यार्थ्यांच्या विविध प्रकारच्या समस्या सोडवण्यासाठी विविध आंदोलनांच्या माध्यमातून दयानंद शिंदे अग्रेसर होते. त्यांनी विद्यार्थी परिषदेचं दोन वर्षे अध्यक्षपदही भूषवलं आहे.
दयानंद शिंदे सध्या तुळजापूर तालुक्यातील मसला खुर्द ग्रामपंचायतीचे बिनविरोध सदस्य आहेत. मसला खुर्द ग्रामपंचायतीच्या माध्यमातून ते गावातील नागरिकांच्या समस्या, अडीअडचणी सोडवण्यासाठी अग्रेसर असतात. शिंदे यांना वडिलांचा, चुलत्यांचा समाजसेवेचा वारसा लाभला आहे.
विविध संघटनात्मक पातळ्यांवर काम करत असताना तुळजापूर विधानसभा मतदार संघाचे आमदार राणा जगजीतसिंह पाटील यांनी शिंदे यांच्यातील नेतृत्वगुण व समाजसेवेची तळमळ पाहून, दयानंद शिंदे यांना भारतीय जनता पार्टी धाराशिव जिल्हा चिटणीस पदावर काम करण्याची संधी देखील दिली आहे.
रक्तदान शिबीर, आरोग्य शिबीर, ग्रामपंचायतीच्या माध्यमातून गावातील पिण्याच्या पाण्याचा प्रश्न, सांडपाण्याचा प्रश्न, आरोग्यविषयक समस्या सोडविणारे दयानंद शिन्दे आता मतदारांच्या पसंतीस उतरत आहेत.
