Times of Maharashtra Desk , Delhi blast Weapons smuggling: : काही दिवसांपूर्वी झालेल्या दिल्ली बॉम्बस्फोटामुळे संपूर्ण देश हादरला होता. या घटनेला दहा दिवस होत नाही तोच राजधानीत आणखी एक मोठा कट उघडकीस आला आहे. दिल्ली पोलिसांच्या गुन्हे शाखेने पाकिस्तान, चीन आणि तुर्कीशी संबंध असलेल्या आंतरराष्ट्रीय शस्त्रास्त्र तस्करीच्या टोळीचा पर्दाफाश केला. पोलिसांच्या म्हणण्यानुसार, या नेटवर्कच्या कामकाजात पाकिस्तानच्या आयएसआयचा हात असल्याचे संकेत मिळाले आहेत.
आतापर्यंत या प्रकरणात टोळीतील चार प्रमुख सदस्यांना अटक करण्यात आली असून त्यांचे नाव मनदीप, दलविंदर, रोहन आणि अजय ही आहेत. टक केलेल्या संशयितांकडून पोलिसांनी १० हाय-टेक सेमी-ऑटोमॅटिक पिस्तूल आणि ९२ जिवंत काडतुसे जप्त केली आहेत. ही पिस्तूल तुर्की-निर्मित PX-5.7 आणि चिनी-निर्मित PX-3 आहेत, जी सामान्यतः विशेष दल आणि सुरक्षा एजन्सी वापरतात अशी माहिती देखील मिळाली आहे.
भारतात हत्यारे कशी तस्करी करण्यात आली?
तपासातून मिळालेल्या माहितीनुसार ही शस्त्रे सुरुवातीला तुर्की आणि चीनमधून पाकिस्तानला पाठवण्यात आली होती. नंतर आयएसआयच्या मदतीने ती भारतात तस्करी करण्यात आली. ही शस्त्रे ड्रोनद्वारे पाकिस्तानहून पंजाबमध्ये नेण्यात आली आणि तेथून ती दिल्ली आणि आसपासच्या राज्यांमधील गुन्हेगार आणि गुंडांना पोहोचवण्यात आली.या सर्वांमगे या टोळीचा उद्देश भारतात रक्तपात आणि भीतीचे वातावरण निर्माण करण्याचा होता असे पोलिसानी सांगितले.
या बाबाद दिल्ली पोलिसांची पुढची कारवाई कोणती?
या टोळीने आतापर्यंत भारतात किती शस्त्रे विकली आहेत आणि कोणत्या टोळ्या किंवा गुन्हेगारांपर्यंत ते पोहोचले आहेत याचा तपास गुन्हे शाखा आता करत आहे. या तपासासाठी पास गुन्हे शाखा आता करत आहे. हे करण्यासाठी, पोलिस मोबाईल फोन डेटा, बँक व्यवहार, सोशल मीडिया ऍक्टिव्हिटी आणि इतर डिजिटल फॉरेन्सिक साधनांचा वापर करत आहेत.सुरुवातीच्या तपासात असे दिसून आले आहे की शस्त्रास्त्र पुरवठ्यात अनेक स्थानिक गुन्हेगार आणि टोळ्यांचा सहभाग होता. पोलिसांच्या मते, अटक केलेल्या आरोपींचे काम फक्त या टोळीसाठी शस्त्रे ने-आण करणे होते. तर संपूर्ण योजना आणि नेटवर्क आयएसआयच्या निर्देशांवर चालत होते. तर या पुढे पोलिस या संस्थाचे संपूर्ण नेटवर्क पूर्णपणे उध्वस्त करण्याची आणि त्यात सहभागी असलेल्या सर्व गुन्हेगारांपर्यंत पोहोचण्याची योजना आखत आहेत.
