रुपेश देशमुख (ब्रह्मपुरी प्रतिनिधी) : ब्रम्हपुरी विधानसभा क्षेत्रातील ब्रम्हपुरी तालुक्यातील तसेच आसपासच्या परिसरातील दिव्यांग नागरिकांना “विशिष्ट दिव्यांग ओळखपत्र ‘ प्राप्त करण्यासाठी चंद्रपूर येथे जावे लागत होते. ब्रम्हपुरी ते चंद्रपूर १३० कि. मी. अंतर हे जास्त असल्यामुळे दिव्यांग नागरिकांना जाणे- येण्याचा खुप त्रास होत होता.
विशिष्ट आर्थिक दृष्ट्या दुर्बल, वृध्द व गंभीर दिव्यांग व्यक्तिंना प्रवास करणे शक्य होत नाही. त्यामुळे अनेक दिव्यग्यांग नागरीकांना विशिष्ट दिव्यांग ओळखपत्र नसल्यामुळें शासकीय योजनेच्या लाभापासून वंचित राहतात.
ही त्यांची गरज लक्षात घेऊन.प्रा.अतुल देशकर यांनी दिव्यांगांचा ब्रम्हपुरी येथे दर महिन्याला विशिष्ट दिव्यांग ओळखपत्राचा कॅम्प आयोजित करण्यात यावा बाबत विनंतीवजा निवेदन देण्यात आले. त्यामुळे तालुक्यातील व आसपासच्या गावातील दिव्यांग नागरिकांना मोठा दिलासा मिळणार आहे.असे निवेदन माजी आमदार प्रा. अतुल देशकर यांनी जिल्हाशल्य चिकित्सक डॉ. महादेव चिंचोळे साहेब चंद्रपूर यांना दिले.
याप्रसंगी डॉ. शर्मा आयुषमान भारत, प्रधानमंत्री जनआरोग्य तथा महात्मा ज्योतिराव फुले जन आरोग्य योजना जिल्हा समन्वयक तसेच डॉ. मंगेश गुलवाडे माजी शहर अध्यक्ष, चंद्रपूर, मनोज वठे माजी नगरसेवक ब्रम्हपुरी, पवन जयस्वाल शहर महामंत्री ब्रम्हपुरी उपस्थित होते.
