दौंड (प्रतिनिधी मयूर साळवे) : राजर्षी शाहू सहकारी गृहरचना संस्था अंतर्गत लुंबिनी बुद्ध विहार येथे नगराध्यक्ष दुर्गादेवी इंद्रजीत जगदाळे यांचा सत्कार समारंभ उत्साहात पार पडला. यावेळी नवनिर्वाचित मान्यवरांचा सत्कार करण्यात आला तसेच विविध सामाजिक उपक्रमांचे उद्घाटनही करण्यात आले.
कार्यक्रमात नगराध्यक्ष दुर्गादेवी इंद्रजीत जगदाळे, जिल्हा परिषद सदस्य साहेबराव पोळ आणि लिंगाळीचे सरपंच सुनील जगदाळे यांच्या हस्ते वॉटर बेलचे उद्घाटन, महिला विरंगुळा केंद्राचे भूमिपूजन, संगणक कक्षाचे उद्घाटन तसेच महिला कार्यकारिणी फलकाचे अनावरण करण्यात आले. यावेळी काजल धेंडे व अश्विनी लांडगे यांची महिला कार्यकारिणीत निवड करण्यात आली.
तसेच सेवानिवृत्त उपकृषी अधिकारी दत्ताजी माने यांचा विशेष सन्मान करण्यात आला. कार्यक्रमाला गौतम साळवे, आनंदी बगाडे, बी. वाय. जगताप, राजेंद्र आढाव, बाळू आढाव, सदा पासलकर, चितारे, जीवन भंडारे आदी मान्यवर उपस्थित होते.
कार्यक्रमाचे सूत्रसंचालन डॉ. प्रा. सुवर्णा रणपिसे यांनी केले. हा कार्यक्रम राजर्षी शाहू सोसायटी व लुंबिनी बुद्ध विहारचे अध्यक्ष संजय रणपिसे यांनी आयोजित केला होता. परिसरातील महिला-पुरुष मोठ्या संख्येने उपस्थित होते.
