माजी मंत्री तानाजी सावंत यांची प्रकृती बिघडली? उपचारासाठी रुबी हॉल हॉस्पिटलमध्ये दाखल…
पुणे – माजी मंत्री तानाजी सावंत यांना आज दुपारी तब्येत बिघडल्याने रुग्णालयात दाखल करण्यात आले. त्यांना आज सुमारे ४.३० वाजता चक्कर येणे, एकदा उलटी होणे आणि ह्रदयाचे ठोके वाढणे (पल्स वाढणे) अशी तक्रार जाणवली.
त्यानंतर तात्काळ त्यांना ससून रोडवरील रूबी हॉल क्लिनिक येथे आणण्यात आले. आपत्कालीन वैद्यकीय पथकाने तातडीने तपासणी करून त्यांना रुग्णालयात दाखल केले. सध्या त्यांच्यावर रूबी हॉल क्लिनिकचे मुख्य ह्रदयरोगतज्ज्ञ डॉ. पुरवेज के. ग्रांट तसेच तज्ज्ञ डॉक्टरांच्या पथकाचे उपचार सुरू आहेत.
त्यांची सर्व तपासणी करण्यात येत असून, अचूक निदान करण्यासाठी आवश्यक वैद्यकीय चाचण्या सुरू आहेत.
रूबी हॉल क्लिनिकचे वैद्यकीय संचालक डॉ. प्रसाद मुगलीकर यांनी अधिकृत माहिती देताना सांगितले की, “सध्या श्री.सावंत यांची प्रकृती स्थिर असून ते डॉक्टरांच्या देखरेखीखाली आहेत.”
