Times of Maharashtra Desk: देशातील सराफा बाजारात आज सलग दुसऱ्या दिवशी सोने आणि चांदीच्या दरात मोठी घसरण नोंदवण्यात आली आहे. चांदीच्या दरात तब्बल 12,225 रुपयांची घसरण झाली असून, सोन्याच्याही दरात 1,232 रुपयांची कपात झाली आहे. आज चांदीचा दर जीएसटीशिवाय 2,35,775 रुपये प्रति किलो इतका झाला असून, जीएसटीसह चांदीचा दर 2,42,848 रुपये किलो आहे. बुधवारी चांदीचा जीएसटीशिवाय दर 2,48,000 रुपये प्रति किलो होता.दरम्यान, सोन्याच्या दरातही लक्षणीय घसरण झाली आहे. 24 कॅरेट सोन्याचा जीएसटीशिवाय दर 1,35,443 रुपये प्रति तोळा असून, जीएसटीसह दर 1,39,506 रुपये इतका आहे. बुधवारी हा दर 1,36,675 रुपये होता. विशेष म्हणजे, 29 डिसेंबरच्या उच्चांकाच्या तुलनेत सोनं 2,718 रुपयांनी स्वस्त झालं आहे. त्या दिवशी सोन्याचा दर 1,38,181 रुपये प्रति तोळा इतका होता.
इतर कॅरेटचे दर पुढीलप्रमाणे —
23 कॅरेट सोनं : 1,227 रुपयांची घसरण होऊन 1,34,901 रुपये प्रति तोळा (GST सह – 1,38,948 रुपये)
22 कॅरेट सोनं : 1,128 रुपयांनी स्वस्त होऊन 1,24,066 रुपये प्रति तोळा (GST सह – 1,27,787 रुपये)
18 कॅरेट सोनं : 924 रुपयांची घसरण, दर 1,01,582 रुपये प्रति तोळा
14 कॅरेट सोनं : 79,234 रुपये प्रति तोळा
दरम्यान, इंडिया बुलियन अँड ज्वेलर्स असोसिएशन (IBJA) कडून दररोज दोन वेळा — दुपारी 12 वाजता आणि सायंकाळी 5 वाजता — दर जाहीर केले जातात. IBJA ने जाहीर केलेले दर आणि स्थानिक शहरांतील दरांमध्ये 1,000 ते 2,000 रुपयांपर्यंत फरक असू शकतो, अशी माहितीही देण्यात आली आहे.
